ورتالىق كوممۋنيكاسيالار قىزمەتىندە قاڭتار وقيعاسى، تەرگەۋ بارىسى تۋرالى بريفينگ ءوتتى
ق ر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆتىڭ ايتۋىنشا، ازاماتتار 125 قارۋدى ەرىكتى تۇردە تاپسىرعان، دەپ حابارلايدى Almaty-akshamy.kz.
بۇعان دەيىن باس پروكۋراتۋرا وكىلدەرىمەن بىرلەسىپ، قاڭتار وقيعالارى كەزىندە ۇرلانعان قارۋ حالىقتىڭ ءومىرى مەن دەنساۋلىعىنا ايتارلىقتاي ءقاۋىپ توندىرەتىنى تۋرالى بىرنەشە رەت حابارلانعان بولاتىن، ويتكەنى بۇل قارۋلار اۋىر قىلمىس جاساعان كەزدە قولدانىلۋى مۇمكىن.
وسىعان بايلانىستى قارۋدى ءوز ەركىمەن تاپسىرۋ بويىنشا ءتۇسىندىرۋ جۇمىستارى بەلسەندى جۇرگىزىلدى. ناتيجەسىندە ازاماتتار ەرىكتى تۇردە 125 قارۋ تاپسىردى.
ۇرلانعان عانا ەمەس، زاڭسىز ساقتالعان، سونداي-اق تىركەلمەگەن قارۋدىڭ بارلىق تۇرلەرىن تابۋ جانە تاركىلەۋ جونىندەگى جەدەل ءىس-شارالار بەلسەندى تۇردە جالعاسۋدا.