قاڭتار وقيعالارى بويىنشا ايىپتالۋشىلاردىڭ ۇرلانعان زاتتاردى الىپ قويۋ جانە زياندى تەگىستەۋ ەسەبىنەن 95 ملن تەڭگە وتەلدى.
بۇل تۋرالى ورتالىق كوممۋنيكاسيالار قىزمەتىندە وتكەن قاڭتار وقيعاسى، تەرگەۋ بارىسى تۋرالى بريفينگ بارىسىندا ق ر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ايتتى، دەپ حابارلايدى Almaty-akshamy.kz.
ىشكى ىستەر ورگاندارى زاڭدىلىق پەن قۇقىقتىق ءتارتىپتى قالپىنا كەلتىرۋ، قۇقىق بۇزۋشىلاردى انىقتاۋ جانە ازاماتتارعا كەلتىرىلگەن زالالدى وتەۋ ماقساتىندا ءالى دە جالعاسۋدا.
جەدەل جانە ساپالى تەرگەۋ ناتيجەسىندە ىشكى ىستەر ورگاندارىنىڭ تەرگەۋشىلەرى ايىپتاۋ اكتىسىمەن 402 ايىپتالۋشىعا قاتىستى 255 قىلمىستىق ءىستى اياقتاپ، سوتقا جىبەردى.
وسى ىستەر بويىنشا جابىرلەنۋشىلەرگە كەلتىرىلگەن زالالدى وتەۋ شامامەن 95 ملن.تەڭگەنى قۇرادى. بۇل پوليسيا قىزمەتكەرلەرىنىڭ سوتقا دەيىنگى تەرگەپ-تەكسەرۋ بارىسىندا ۇرلانعان زاتتاردى تاۋىپ الۋى جانە تاركىلەپ الۋى، سونداي-اق جاسالعان ارەكەتتىڭ سالدارىن تۇسىنگەن ايىپتالۋشىلاردىڭ كەلتىرىلگەن زالالدى وتەۋى ەسەبىنەن قامتاماسىز ەتىلدى.