قاڭتار وقيعاسى: ۆيكرام رۋزاحۋنوۆتى ازاپتاعان پوليسەيلەرگە ءۇش جىل جازا سۇرالدى

قازاقستان رەسپۋبليكاسىنىڭ پروكۋرورى ارىستان اليكەنوۆ قاڭتار وقيعالارى كەزىندە 99 ازاماتتى، ونىڭ ىشىندە قازاقستان، وزبەكستان، تاجىكستان جانە قىرعىزستان تۇرعىندارىن ازاپتاۋعا قاتىسقان پوليسيا قىزمەتكەرلەرىنە جازا سۇرادى، دەپ حابارلايدى aqshamnews.kz

2022 جىلعى 7 قاڭتاردا ق ر ۇقك شەكارا قىزمەتىنىڭ باسشىلىعى الماتىداعى تارتىپسىزدىكتەرگە قاتىسقانداردى ىزدەۋ بويىنشا وپەراسيا ۇيىمداستىردى. سول كۇنى الماتى — بىشكەك تراسساسىندا اسكەري بلوكپوست ورناتىلىپ، 99 ادام، سونىڭ ىشىندە مۋزىكانت ۆيكرام رۋزاحۋنوۆ تا ۇستالدى.

ۇستالعاندار قوشمامبەت اۋىلىنداعى ۋاقىتشا ۇستاۋ يزولياتورىندا (ۋۇي) ازاپتالعان. سول كەزدەگى مالىمەت بويىنشا، بۇل يزولياتور رەسمي تۇردە جۇمىس ىستەمەگەن. جابىرلەنۋشىلەردىڭ ايتۋىنشا، عيماراتتا سۋ دا، جىلۋ دا بولماعان.

ايىپتالۋشىلار:
— سەرىك تۋرپانبايەۆ.
— نۇرسۇلتان حاميتوۆ.
— ارمان شويبەكوۆ.
— بەرىك ابىلبەكوۆ.
— ولجاس ايدارحانوۆ.

بۇل تۇلعالارعا «ازاپتاۋ» جانە «وكىلەتتىلىكتى اسىرا پايدالانۋ» باپتارى بويىنشا ايىپ تاعىلۋدا.

پروكۋرور ارىستان اليكەنوۆ التى ايىپتالۋشىنى ارنايى شەندەرىنەن ايىرىپ، ءۇش جىلعا باس بوستاندىعىنان ايىرۋ جانە ولاردى سوت زالىندا قاماۋعا الۋدى سۇرادى.