فەرمەرلىك شارۋاشىلىقتار «ازىق-تۇلىك كەلىسىمشارت كورپوراسياسى» اق-نىڭ ەليەۆاتورلارىنا تىكەلەي ساتىپ الۋ باعدارلاماسى اياسىندا جوسپارلانعان جەتكىزىلىمدەردىڭ ۇشتەن بىرىنە سايكەس 52 مىڭ توننا استىق جەتكىزدى.
2024 جىلعى 25 جەلتوقسانداعى جاعداي بويىنشا مەملەكەتتىك وپەراتور ءوز قاراجاتى ەسەبىنەن اۋىل شارۋاشىلىعى تاۋار وندىرۋشىلەرىنىڭ ەسەپشوتتارىنا 3،4 ملرد تەڭگە اۋداردى، دەپ حابارلايدى aqshamnews.kz اشم-گە سىلتەمە جاساپ.
باعدارلاما شارتتارىنا سايكەس، «ازىق-تۇلىك كەلىسىمشارت كورپوراسياسى» اق فەرمەرلىك شارۋاشىلىقتاردان ءۇشىنشى، ءتورتىنشى جانە بەسىنشى سىنىپتاعى بيدايدى، سونداي-اق ەكىنشى سىنىپتاعى ارپانى قابىلدايدى. جەتكىزىلگەن استىقتىڭ جالپى كولەمىندە ەڭ ۇلكەن ۇلەستى 23% جانە 25% كلەيكوۆيناسى بار ءۇشىنشى سىنىپتاعى بيداي الادى.
قازاقستان وڭىرلەرىندە استىق جەتكىزۋشىلەردىڭ اراسىندا ءداستۇرلى تۇردە سولتۇستىك قازاقستان، قوستاناي جانە اقمولا وبلىستارى كوش باستاپ تۇر. بۇل وڭىرلەردىڭ فەرمەرلەرى ەليەۆاتورلارعا سايكەسىنشە 20،9 مىڭ توننا، 18،4 مىڭ توننا جانە 12،5 مىڭ توننا استىق جونەلتتى.
«ازىق-تۇلىك كەلىسىمشارت كورپوراسياسى» اق باسقارما ءتوراعاسى اسىلحان جۋۆاشيەۆتىڭ ايتۋىنشا، وتىنىمدەردى قابىلداۋ كەزىندە شاعىن اگروكاسىپورىندارعا باسىمدىق بەرىلەدى.
«ءونىمنىڭ ارتىق مولشەرىن ساتىپ الۋ شاعىن جانە ورتا شارۋاشىلىقتارعا اۋىل شارۋاشىلىعى ءوندىرىسىنىڭ تابىستىلىعىن ساقتاۋعا كومەكتەسەدى. سونىمەن قاتار، «ازىق-تۇلىك كەلىسىمشارت كورپوراسياسى» اق مەملەكەتتىك وپەراتور رەتىندە نارىقتاعى باعالاردى رەتتەپ، استىققا ءادىل باعا بەلگىلەيدى»، - دەپ ءتۇسىندىردى اسىلحان جۋۆاشيەۆ.
بارلىعى 440 اۋىل شارۋاشىلىعى كاسىپورنى استىق ساتۋ تۋرالى ءوتىنىم بەردى، ونىڭ ىشىندە 347ء-سى – شاعىن شارۋا جانە فەرمەرلىك شارۋاشىلىقتار، ال 93ء-ى – ورتا بيزنەس (ج ش س). قازىرگى ۋاقىتتا اگروقۇرىلىمدار «ازىق-تۇلىك كەلىسىمشارت كورپوراسياسى» اق تاعى 98،2 مىڭ توننا بيدايدى 6،9 ملرد تەڭگەگە جەتكىزۋگە دايىن. قابىلدانعان استىق ءۇشىن تولەم قاراجات بولىنگەننەن كەيىن بىردەن جۇزەگە اسىرىلادى.
تىكەلەي استىق ساتىپ الۋ باعدارلاماسىنا قاتىسۋ ءۇشىن فەرمەرلەرگە 2024 جىلعى «بارلىق جەرلەردەن اۋىل شارۋاشىلىعى داقىلدارىن جيناۋ تۋرالى» انىقتاما جانە مەملەكەتتىك ۋاكىلەتتى ورگانمەن راستالعان ءتيىستى ەسەپتى ۇسىنۋ قاجەت. استىق ساتۋ بويىنشا وتىنىمدەردى «ازىق-تۇلىك كەلىسىمشارت كورپوراسياسى» اق وڭىرلىك وكىلدىكتەرى قابىلدايدى.
نارىقتان استىق ساتىپ الۋعا 13 ملرد تەڭگە بولىنەدى، بۇل اۋىل شارۋاشىلىعى تاۋار وندىرۋشىلەرىنەن 200 مىڭ توننا استىق ساتىپ الۋدى قامتاماسىز ەتەدى.
انىقتاما ءۇشىن بايلانىس اقپاراتى:
استانا قالاسى:
ماسكەۋ كوشەسى، 29/3،
تەل.: (8-717-2) 59-12-32 (ىشكى 2484، 2025)، 59-12-39 (ىشكى 2375)، 59-12-61 (ىشكى 2261)، 55-11-60 (ىشكى 2476).
اقمولا وبلىسى:
كوكشەتاۋ ق.، نۇرسۇلتان نازاربايەۆ داڭعىلى، 19،
تەل.: (8-716-2) 55-11-51، 55-11-54، 42-25-22.
شىعىس قازاقستان وبلىسى:
وسكەمەن ق.، بەيبىتشىلىك كوشەسى، 30، 206-كەڭسە،
تەل.: (8-723-2) 25-95-67، 56-06-57.
قوستاناي وبلىسى:
قوستاناي ق.، تاۋەلسىزدىك كوشەسى، 147،
تەل.: (8-714-2) 53-11-44، 53-12-44، 54-28-20.
سولتۇستىك قازاقستان وبلىسى:
پەتروپاۆل ق.، پارتيزانسكايا كوشەسى، 160،
تەل.: (8-715-2) 55-11-60، 42-22-66.