107 كۇدىكتىگە قاتىستى قىلمىستىق ءىس ايىپتاۋ اكتىلەرىمەن اياقتالدى.
بۇل تۋرالى ءىىم تەرگەۋ دەپارتامەنتىنىڭ باستىعى سانجار ءادىلوۆ وكق بريفينگىندە ايتتى، دەپ حابارلايدى Almaty-akshamy.kz
«ىشكى ىستەر ورگاندارى تەرگەۋشىلەرى تاراپىنان قاڭتار وقيعالارى بويىنشا 107 كۇدىكتىگە قاتىستى قىلمىستىق ىستەر ايىپتاۋ اكتىلەرىمەن اياقتالدى. بۇل ىستەردىڭ دە نەگىزگى بولىگىن ۇرلىقتار 65، قارۋدى زاڭسىز ساقتاۋ فاكتىلەرى 11، ولاردى ۇرلاۋ 7 جانە وزگە قىلمىستار قۇرايدى»، – دەدى سانجار ءادىلوۆ ورتالىق كوممۋنيكاسيالار قىزمەتىندە.
دەپارتامەنت باستىعىنىڭ ايتۋىنشا، سوتقا 86 ايىپتالۋشى بەرىلگەن.
«ەلىمىزدە جەكە باسى جانە جاساعان قىلمىس اۋىرلىعى ەسكەرىلە وتىرىپ 52 ادام سوتتالدى. ولاردىڭ 39-ىنىڭ باس بوستاندىعى شەكتەلىپ، 13ء-ى باس بوستاندىعىنان ايىرىلدى، ال 2 ادامعا قاتىستى ءىس تاراپتار تاتۋلاسۋىنا بايلانىستى توقتاتىلدى»، – دەدى سانجار ءادىلوۆ.