مەملەكەت باسشىسى قىزىلوردا وبلىسىنىڭ اكىمىن قابىلدادى

پرەزيدەنت قاسىم-جومارت توقايەۆقا قىزىلوردا وبلىسىندا 2021 جىلى اتقارىلعان جۇمىستار تۋرالى ەسەپ بەرىلدى

قىزىلوردا وبلىسىنىڭ اكىمى گۇلشارا ءابدىقالىقوۆانىڭ ايتۋىنشا، وبلىستاعى ەكونوميكانىڭ نەگىزگى كورسەتكىشتەرى – وندىرىستىك ءونىم كولەمى 0،8 پايىزعا، وڭدەۋ ونەركاسىبى 14،5 پايىزعا، جەكە ينۆەستيسيا 11،7 پايىزعا، ساۋدا 2،4 پايىزعا، پايدالانۋعا بەرىلگەن تۇرعىن ءۇي 8،6 پايىزعا، اۋىل شارۋاشىلىعى ءونىمىنىڭ كولەمى 0،3 پايىزعا ارتقان، دەپحابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.  

وڭىردە يندۋستريالاندىرۋ باعدارلاماسىنىڭ ءۇشىنشى بەسجىلدىعى اياسىندا بىلتىر قۇنى 45،2 ميلليارد تەڭگە بولاتىن 4 جوبا جۇزەگە اسىرىلىپ، 456 جۇمىس ورنى اشىلعان.

سونداي-اق كەزدەسۋ بارىسىندا وبلىس ەكونوميكاسىنا تىكەلەي اسەر ەتەتىن نەگىزگى پروبلەمالىق ماسەلەلەر تالقىلاندى. اتاپ ايتقاندا، سىرداريا وزەنى دەڭگەيىنىڭ كۇرت تومەندەۋى، تاۋارلىق گازدىڭ كوتەرمە باعاسى، تاسىمالداۋ ءتاريفىنىڭ شىعىندارى مەن جەرگىلىكتى گاز ۇلەسىن ارتتىرۋ جانە اگروقۇرىلىمدارداعى جەر داۋى ماسەلەلەرى تۋرالى باياندالدى.

قاسىم-جومارت توقايەۆ قىزىلوردا وبلىسىندا اتقارىلىپ جاتقان جۇمىستاردى سارالاي كەلە، ۇكىمەتپەن بىرلەسىپ تۇيتكىلدى ماسەلەلەردى شەشۋ جانە قولعا الىنعان جوبالاردى ودان ءارى جالعاستىرۋ جونىندە  تاپسىرما بەرىلدى.