ۇيىمداسقان توپتىڭ مۇشەلەرى قىلمىستىق جاۋاپكەرشىلىككە تارتىلۋدا.
باس پروكۋروردىڭ ورىنباسارى اسەت شىندالييەۆ قاڭتار وقيعاسىنا قاتىستى تەرروريزم بابىمەن ەكى ءىس قارالىپ جاتقانىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازىرگى كەزدە تەرروريزم بابى بويىنشا ەكى ءىس قارالىپ جاتىر. 24 ۇيىمداسقان توپتىڭ مۇشەلەرى قىلمىستىق جاۋاپكەرشىلىككە تارتىلۋدا. ال تەرروريزم بويىنشا 46 ادام كۇدىككە ءىلىندى»، - دەدى ءا. شىندالييەۆ سەناتتا تىلشىلەر ساۋالىنا جاۋاپ بەرە وتىرىپ.
سونىمەن قاتار ول قاڭتار وقيعاسى كەزىندە قىلمىس جاساعان ادامداردىڭ اراسىندا باسقا ەلدەردىڭ ازاماتتارى بولعانىن اتاپ ءوتتى. دەگەنمەن باس پروكۋروردىڭ ورىنباسارى ولار قاي مەملەكەتتەردەن كەلگەنىن ناقتى ايتا المادى.
بۇدان بۇرىن حابارلانعانداي، قاڭتاردا 20-عا جۋىق ادام جاپپاي تارتىپسىزدىكتى ۇيىمداستىرۋشى رەتىندە كۇدىككە ءىلىندى.
سونىمەن قاتار قاڭتار وقيعاسى كەزىندە زاڭ بۇزعان قۇقىق قورعاۋ ورگاندارى قىزمەتكەرلەرىنىڭ تەك بىرەۋىنە راقىمشىلىق جاسالاتىنى ءمالىم بولدى.
بۇگىن سەناتتىڭ جالپى وتىرىسىندا «راقىمشىلىق جاساۋ تۋرالى» زاڭ قابىلداندى.