ساراپتاما تاعايىندالعان.
قازاقستاننىڭ پروكۋراتۋرا ماماندارى بيزنەسمەن راميل مۋحورياپوۆتىڭ مالىمدەمەسىن پوليسيا تەكسەرىپ جاتقانىن ايتتى، دەپ حابارلايدى Almaty-akshamy.kz Inbusiness.kz سىلتەمە جاساپ.
باس پروكۋروردىڭ ورىنباسارى اسەت شىندالييەۆ Chocofamily نەگىزىن قالاۋشى راميل مۋحورياپوۆتىڭ مالىمدەمەسىنە قاتىستى جۋرناليستەردىڭ ساۋالىنا جاۋاپ بەرگەن.
"ءقازىر، مەنىڭ بىلۋىمشە، الماتى قالالىق ءىىد تەكسەرۋ جۇرگىزىپ جاتىر. ساراپتاما تاعايىندالدى. ونىڭ قورىتىندىسى بويىنشا شەشىم قابىلدانادى"، – دەدى اسەت شىندالييەۆ.
ەسكە سالا كەتسەك، كاسىپكەر راميل مۋحورياپوۆ قازاقستانعا كەلگەن رەسەيلىكتەرمەن كەزدەسۋىندە قازاق ءتىلى تۋرالى جاعىمسىز پىكىر ايتىپ، ەلدىڭ اشۋ-ىزاسىنا تيگەن ەدى. ناتيجەسىندە كوپتەگەن قازاقستاندىقتار وعان قاتىسى بار كومپانيالاردىڭ قىزمەتىن پايدالانۋدان باس تارتتى. قوعام بەلسەندىلەرى ونى جازالاۋدى تالاپ ەتتى.