ق ر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ وسىلاي دەدى.
قاڭتار وقيعاسى بويىنشا سوتتىڭ سانكسياسىمەن 469 ادام قاماۋدا وتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وتكەن جولعى بريفينگتە مەملەكەتتىك نىساندارعا شابۋىل جاساۋشىلاردىڭ ىس-ارەكەتتەرى تەرروريزم اكتىلەرى جانە جەكەلەگەن تۇلعالاردىڭ ىس-ارەكەتتەرى جاپپاي تارتىپسىزدىكتەرگە قاتىسۋ رەتىندە سارالاناتىن جاعدايلار تۋرالى ايتىلدى. ۆەدومستۆوارالىق تەرگەۋ توبى ارنايى پروكۋرورلاردىڭ باسشىلىعىمەن اتالعان ساناتتاعى 91 ءىستى تەرگەۋدە، ونىڭ ىشىندە تەرروريزم اكتىلەرى بويىنشا – 46 جانە جاپپاي تارتىپسىزدىكتەر بويىنشا - 45. بۇل ىستەردى تەرگەۋ اياسىندا سوتتىڭ سانكسياسىمەن 469 ادام قاماۋدا وتىر»، - دەدى ە. قيلىمجانوۆ.
ونىڭ ايتۋىنشا، جەكە باسىن، جاسالعان قىلمىستاعى ءرولىن، تەرگەۋگە جاردەمدەسۋدى ەسكەرە وتىرىپ، 128 كۇدىكتىگە قاتىستى قاماۋدا ۇستاۋ ەشقايدا كەتپەۋ تۋرالى قولحاتقا، كەپىلگە جانە جەكە كەپىلگەرلىككە اۋىستىرىلدى.