ءماجىلىس دەپۋتاتتارىنىڭ وڭىرلەرگە جۇمىس ساپارىنىڭ ءبىرىنشى اپتاسى حالىقپەن كەدزدەسۋگە تولى بولدى. الەۋمەتتىك سالا مەن الماتى قالاسى بويىنشا پارتيانىڭ سايلاۋالدى باعدارلاماسىنا ەنگەن نىساندار حالىق قالاۋلىلارىنىڭ باسىمدىعىنا اينالدى، دەپ حابارلايدى اlmaty-akshamy.kz
مىسالى، ماجىلىسمەندەر بەكقالي تورعايەۆ پەن ارتۋر پلاتونوۆ جەدەل مەديسينالىق كومەكتىڭ مامانداندىرىلعان اۆتوكولىك كاسىپورنىن ارالاۋ بارىسىندا حالىقتىڭ قاجەتتىلىكتەرىن تولىق قامتاماسىز ەتۋ ءۇشىن مەگاپوليسكە قوسىمشا تاعى 7-9 قوسالقى ستانسيا قاجەت ەكەنىن انىقتادى. ال دەنساۋلىق ساقتاۋ مينيسترلىگىنىڭ ساناتتاردى الىپ تاستاۋ باعدارلاماسىنداعى الداعى وزگەرىستەر دارىگەرلەردىڭ جالاقىسىنىڭ ايتارلىقتاي تومەندەۋىنە اكەلۋى مۇمكىن.
الماتىدا سينتەتيكالىق ەسىرتكى زاتتارىنىڭ جاپپاي تارالۋى – زاڭنامالىق دەڭگەيدە ەلەۋلى جۇمىس ىستەۋ ءۇشىن تاعى ءبىر سەبەپ. بۇل تۋرالى «NarkoStop» قوزعالىسىنىڭ بەلسەندىلەرىمەن كەزدەسكەن ەڭ جاس ءماجىلىس دەپۋتاتى ءمادي احمەتوۆ حابارلادى. ماجىلىسمەننىڭ ايتۋىنشا، بۇل الەۋمەتتىك-ەكونوميكالىق زۇلىمدىق بۇكىل ەل بويىنشا قارقىن الۋدا، ويتكەنى سوڭعى ءۇش جىلداعى ستاتيستيكا ۇنەمى ءوسىپ كەلەدى جانە سينتەتيكالىق ەسىرتكىگە تاۋەلدى جاستار سانى 2،5 ەسە ءوستى.
مۇگەدەكتىگى بار الماتىلىقتارعا دەربەستىك پەن ەكونوميكالىق تاۋەلسىزدىككە قول جەتكىزۋگە كومەك كورسەتەتىن «Ten Qogam» الەۋمەتتىك قولداۋ ورتالىعىنا بارعان دەپۋتاتتار ايگۇل قۇسپان مەن جۇلدىز سۇلەيمەنوۆا مۇمكىندىگى شەكتەۋلى ادامداردىڭ جاعدايىن ءبىلدى. «زاڭنامادا مۇگەدەكتىگى بار ادامدار ءۇشىن جان-جاقتى جاعداي جاساۋ بويىنشا ءىس-شارالار كوزدەلگەن، ءبىراق ولاردىڭ كۇندەلىكتى ومىردە ايتارلىقتاي قيىندىقتارعا تاپ بولعانى بارلىعىنا ايان»، - دەپ اتاپ ءوتتى ماجىلىسۆۋمەن ايگۇل قۇسپان.
سونىمەن قاتار، ماجىلىسمەندەر ءوڭىردى Nur Otan پارتياسىنان سايلانعان الماتى قالاسى ءماسليحاتىنىڭ دەپۋتاتتارىمەن بىرلەسە باقىلاۋدا.
«بۇل ءبىزدىڭ الماتىدان كەلگەن ماجىلىسمەندەرمەن ەكىنشى پراكتيكالىق كەزدەسۋلەر. ءماسليحات دەپۋتاتتارى ءۇشىن مۇنداي كەزدەسۋلەر كوممۋنيكاسيالاردى دامىتۋ جانە ساياسي جۇمىس تاجىريبەسىمەن تولىقتىرۋ جونىندەگى شەبەرلىك ساعاتتارى ىسپەتتى. وڭىردەگى بىرلەسكەن ءىس-شارالاردى اياقتاي وتىرىپ، ءبىز پروبلەمالىق ماسەلەلەردى ودان ءارى ەكىجاقتى پىسىقتاۋدى جالعاستىرامىز. بۇل بار پروبلەمالاردى شەشۋ جونىندەگى باستامالار مەن ۇسىنىستاردى جان-جاقتى ءارى ساپالى قاراۋعا بەرىلگەن مۇمكىندىك»، - دەپ اتاپ ءوتتى دەپۋتات ءاسيا اقانوۆا جەدەل مەديسينالىق جاردەمنىڭ مامانداندىرىلعان اۆتوكولىك كاسىپورنىن بىرلەسىپ ارالاۋ بارىسىندا.