ءقازىر دۇربەلەڭگە قاتىستى دەگەن 25 ادامنىڭ ءىسى سوتتا قارالىپ جاتىر
«قاڭتار وقيعاسىنا» بايلانىستى قابىلدانعان «راقىمشىلىق» تۋرالى زاڭنىڭ اياسىندا الماتىدا 156 ادامعا امنيستيا شاراسى قولدانىلدى، ونىڭ ىشىندەگى 4 ازاماتقا راقىمشىلىق سوتقا دەيىنگى تەرگەۋ كەزىندە كورسەتىلگەن. بۇل تۋرالى قالالىق پروكۋراتۋرا مالىمدەدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
قۇزىرلى ورگان ءتيىستى سوتتارعا پروباسيا باعىتى بويىنشا جازانى قىسقارتۋ نەمەسە تولىق بوساتۋ تۋرالى ورتا جانە اۋىر قىلمىس جاساعان 181 ادامعا قاتىستى ۇسىنىس جولداعان. 152 ءىس قارالىپ، شەشىم شىققان. سوعان سايكەس 152 ادامنىڭ بىرەۋى قاماۋدان بوساتىلسا، قالعانىنىڭ جازاسىن وتەۋ مەرزىمى قىرقارتىلىپتى.
«امنيستيا قولدانىلعاننان كەيىن ورتاشا اۋىر قىلمىس جاساعاندار جازادان بوستالادى. ال اۋىر قىلمىسپەن ايىپ تالعانداردىڭ تەك جازاسىن وتەۋ مەرزىمى قىسقارادى. بۇل راقىمشىلىق تۇلعالاردى اقتامايدى، تەك مەملەكەتتىك ءبىر رەتتىك كەشىرىم اكتىسى»، – دەدى قالا پروكۋرورىنىڭ ورىنباسارى نازارباي ىبرايمولدايەۆ.
ءقازىر دۇربەلەڭگە قاتىستى دەگەن 25 ادامنىڭ ءىسى سوتتا قارالىپ جاتىر. 15 جانعا امنيستيا شاراسى قولدانىلۋى مۇمكىن. ال بەيبەرەكەتتى ۇيىمداستىرعاندارعا راقىمشىلىق جاسالمايدى. سونداي-اق جاڭارعان كونستيتۋسيالىق زاڭعا سايكەس باس پروكۋرورعا كونستيتۋسيالىق سوت پەن جوعارعى سوتقا جۇگىنۋ قۇقىعى بەرىلدى. سونىڭ اياسىندا ەندى پروكۋرورلار سوت تاجىريبەسى، قىلمىستىق، ازاماتتىق ىستەر بويىنشا سوتتان تۇسىنىكتەمە الۋعا قۇقىلى ءارى سوت اكتىلەرىن توقتاتا الادى.
«بۇدان بولەك پروكۋرورلاردىڭ تەكسەرىس جۇرگىزۋىنە كەرەكتى نەگىزدەمەلەردىڭ شەڭبەرى كەڭەيدى. ءقازىر پروكۋراتۋرا باسشىلارى مەملەكەتتىك ورگاندارعا عانا ەمەس، فيزيكالىق ەرەكشەلىكتەرىنە بايلانىستى ءوزىن-وزى قورعاي المايتىن تۇلعالار مەن كامەلەتكە تولماعانداردىڭ قۇقىعى بۇزىلسا، شاعىن جانە ورتا كاسىپ سۋبەكتىلەرىنىڭ قۇقىعى بۇزىلسا تەكسەرىس تاعايىنداي الادى»، – دەدى قالا پروكۋرورىنىڭ اعا كومەكشىسى رۋسلان سۋحانبەردين.