اۋا رايىنا بايلانىستى ەسكەرتۋ جاريالاندى
19 قاراشادا رەسپۋبليكانىڭ توعىز وبلىسىندا بۇرقاسىن، تۇمان، كوكتايعاق كۇتىلەدى، دەپ حابارلايدى Almaty-akshamy.kz «قازگيدرومەت» رمك-عا سىلتەمە جاساپ.
سولتۇستىك قازاقستان وبلىسىنىڭ باتىسىندا، وڭتۇستىگىندە، شىعىسىندا باياۋ بۇرقاسىن كۇتىلەدى. تۇندە جانە تاڭەرتەڭ وبلىستىڭ باتىسىندا تۇمان تۇسەدى. باتىستان، سولتۇستىك-باتىستان جەل سوعادى، كۇندىز وبلىستىڭ باسىم بولىگىندە جەل ەكپىنى 15-20 م/س. پەتروپاۆلدا 19 قاراشادا كۇندىز باتىستان، سولتۇستىك-باتىستان سوعاتىن جەل ەكپىنى 15-20 م/س.
ماڭعىستاۋ وبلىسىنىڭ سولتۇستىك-باتىسىندا، وڭتۇستىگىندە، ورتالىعىندا تۇمان كۇتىلەدى.
باتىس قازاقستان وبلىسىنىڭ سولتۇستىگىندە، شىعىسىندا تۇمان، كوكتايعاق بولادى. وڭتۇستىك-شىعىستان سوعاتىن جەل سولتۇستىك-باتىسقا اۋىسادى، تۇندە وبلىستىڭ سولتۇستىك-باتىسىندا ەكپىنى 15-20 م/س جەل كۇتىلەدى. ورالدا تۇندە جانە تاڭەرتەڭ تۇمان، كوكتايعاق بولادى.
اقمولا وبلىسىنىڭ ورتالىعىندا باياۋ بۇرقاسىن كۇتىلەدى. وبلىستىڭ سولتۇستىگىندە، شىعىسىندا تۇماندى بولادى. وڭتۇستىك-شىعىستان سوعاتىن جەل سولتۇستىك-باتىسقا اۋىسادى، كۇندىز وبلىستىڭ سولتۇستىگىندە، شىعىسىندا ەكپىنى 15-20 م/س جەل سوعادى.
اقتوبە وبلىسىنىڭ سولتۇستىگىندە، شىعىسىندا كوكتايعاق كۇتىلەدى.
19 قاراشادا تۇندە تۇركىستان وبلىسىنىڭ تاۋلى ايماقتارىنىڭ كەي جەرلەرىندە قار ارالاس جاڭبىر جاۋادى. باتىستا، وڭتۇستىكتە، وبلىستىڭ تاۋلى جانە تاۋ بوكتەرىندەگى اۋداندارىندا تۇمان تۇسەدى. وڭتۇستىك-باتىستان سوعاتىن جەل تاۋ اسۋلارىندا 15-20 م/س. شىمكەنتتە 19 قاراشاعا قاراعان ءتۇنى كەي جەرلەردە تۇمان تۇسەدى دەپ كۇتىلۋدە.
19 قاراشادا كۇندىز پاۆلودار وبلىسىنىڭ سولتۇستىگىندە، باتىسىندا قار جاۋادى. وڭتۇستىك-باتىستان ەكپىنى 15-20 م/س جەل سوعادى.
وڭتۇستىكتە، جامبىل وبلىسىنىڭ تاۋلى ايماقتارىندا تۇمان كۇتىلەدى. وڭتۇستىك-شىعىستان سوعاتىن جەل وڭتۇستىك-باتىسقا اۋىسادى. تارازدا 19 قاراشادا تۇندە جانە تاڭەرتەڭ تۇمان كۇتىلەدى.
قوستاناي وبلىسىنىڭ سولتۇستىك جارتىسىندا قار جاۋىپ، باياۋ بۇرقاسىن كۇتىلەدى. وبلىستىڭ وڭتۇستىگىندە تۇمان ءتۇسىپ، كوكتايعاق بولادى.