ولار ءاپالى-سىڭلىلى جانە بىرەۋىنىڭ كۇيەۋى، ۇشەۋى دە الماتى وبلىسىنىڭ تۇرعىندارى.
ۇستالعانداردىڭ ۇيىنەن 130 ءتۇرلى پارفيۋمەرلىك جانە كوسمەتيكالىق ءونىم تابىلدى، دەپ حابارلايدى Almaty-akshamy.kz
كولىكتەگى پوليسيا قاڭتارداعى تارتىپسىزدىك كەزىندە الماتى اۋەجايىندا دۇكەن توناعان ءۇش ادامدى ۇستادى. ولار قولدى ەتكەن تاۋاردىڭ 200-دەن استام ءتۇرى تاركىلەندى.
ءىىم كولىكتەگى پوليسيا دەپارتامەنتىنىڭ جەدەل تەرگەۋ توبى الماتى اۋەجايىنداعى دۇكەندەردەن تاۋار ۇرلاۋ فاكتىسى بويىنشا سوتقا دەيىنگى تەرگەۋ جۇرگىزىپ جاتىر.
كولىكتەگى پوليسيا دەپارتامەنتىنىڭ باستىعى ونال باكييەۆتىڭ ايتۋىنشا، بەينەباقىلاۋ جازبالارىن قاراۋ كەزىندە ءۇش كۇدىكتى انىقتالدى: ءاپالى-سىڭلىلى جانە بىرەۋىنىڭ كۇيەۋى. ۇشەۋى دە الماتى وبلىسىنىڭ تۇرعىندارى.
«ولار 6 قاڭتارعا قاراعان ءتۇنى جاپپاي تارتىپسىزدىك كەزىندە اۋەجايدا بىرەۋدىڭ مۇلكىن ۇرلاعان. كۇدىكتىلەردىڭ تۇرعىلىقتى جەرى بويىنشا تەكسەرۋ كەزىندە زاتتاي ايعاق – ەليتالىق الكوگول، سونداي-اق 130 ءتۇرلى پارفيۋمەرلىك جانە كوسمەتيكالىق ءونىم الىندى. سونىمەن قاتار كوفەحانادان، كادەسىي دۇكەنىنەن جانە ءدارىحانادان ۇرلانعان 94 ءتۇرلى تاۋار تاركىلەندى»، - دەدى كولىكتەگى پوليسيا دەپارتامەنتى باستىعى ونال باكييەۆ.
اتالعان فاكتى بويىنشا قىلمىستىق كودەكستىڭ 188-بابىنا سايكەس («ۇرلىق») سوتقا دەيىنگى تەرگەۋ باستالدى. 40 جاستاعى ەر ادامعا قاتىستى قاماۋعا الۋ تۇرىندەگى بۇلتارتپاۋ شاراسىنا سانكسيا بەرىلدى، 34 جاستاعى جانە 26 جاستاعى ەكى ايەل جاس بالالارىنىڭ بولۋىنا بايلانىستى ەشقايدا كەتپەۋ تۋرالى قولحات وتكىزدى.