پاراليمپيادالىق جۇزۋدەن الەم كۋبوگىندە قازاقستان قۇراماسى تاماشا ونەر كورسەتتى
قازاقستان قۇراماسى 4 التىن، 5 كۇمىس جانە 3 قولا مەدال ەنشىلەدى، دەپ حابارلايدى Almaty-akshamy.kz
قازاقستاندىق پاراليمپياداشىلار الەمنىڭ 38 ەلىنەن كەلگەن 300 سپورتشى اراسىنداعى جارىستا ۇزدىكتەردىڭ قاتارىنان كورىندى. الەم كۋبوگىنا يتاليانىڭ لينيانو-ساببيادورو قالاسىنا قازاقستاننان 9 ءجۇزۋشى اتتاندى.
ەكى «التىن» جانە ەكى «كۇمىستى» اندرەي افاناسيەۆ جەڭىپ الدى. سيازبەك دالييەۆ پەن ناتاليا زۆياگينسيەۆا ءۇش مەدال يەلەنسە، دياس كەنجەبەك پەن كيريلل يليۋكيەۆيچ ەكى مارتە جۇلدەگەر اتاندى. قازاقستان قۇراماسىنىڭ قورجىنىنا ءبىر ماراپاتتان سەرگەي كين مەن الينا دۋبينينا مەدال قوستى.
سپورتشىلاردىڭ بارلىق ناتيجەلەرى حالىقارالىق پاراليمپيادا كوميتەتىنىڭ 2022 جىلعى الەمدىك رەيتينگىنە ەنگىزىلمەك. دارەجەلەر تۋرالى الەمدىك تابەلدەردىڭ نەگىزىندە 2024 جىلى پاريجدە وتەتىن جازعى پاراليمپيادا ويىندارىنا قاتىسۋشىلاردىڭ ءتىزىمى قالىپتاستىرىلادى، ال ءقازىر، 2022 جىلى، ماۋسىم ايىندا پورتۋگاليادا وتەتىن پاراليمپيادالىق ءجۇزۋ بويىنشا الەم چەمپيوناتىنا جانە قازان ايىندا قىتايدا وتەتىن جازعى ازياداعا نورماتيۆتەر بويىنشا ىرىكتەۋ جۇرگىزىلەدى. سپورتشىلار وسى جارىستارعا بەلسەندى دايىندالۋدا.