بۇل كورسەتكىشتىڭ ارتۋىنا قاڭتار وقيعالارى دا، كارانتين دە كەدەرگى بولا العان جوق.
ەشتەڭەگە قاراماستان، قاڭتار ايىنداعى تەمىرجولداعى جولاۋشىلار تاسىمالى 22 پايىزعا، ال جولاۋشىلارعا كورسەتىلەتىن تەمىرجول كولىگى قىزمەتتەرىنىڭ باعاسى 6%-عا ءوستى، دەپ حابارلايدى Almaty-akshamy.kz ەnergyprom.kz سايتىنا سىلتەمە جاساپ.
اعىمداعى جىلدىڭ قاڭتار ايىندا تەمىرجول كولىگىمەن 1،3 ملن ادام قاتىناعان. قازاقستان رەسپۋبليكاسىنداعى قاڭتار وقيعالارىنا، سونداي-اق «وميكرونعا» بايلانىستى كارانتينگە قاراماستان، بۇل ءبىر جىل بۇرىنعى كورسەتكىشتەن 21،7%-عا ارتىق بولىپ تۇر. جولاۋشىلار تاسىمالىنىڭ اينالىمى 1،1 ملرد پكم قۇرادى، بۇل ءبىر جىل ىشىندە 36،1% ارتىق دەگەن ءسوز.
جولاۋشىلار تاسىمالى بويىنشا كوشباسشىلار - ەلوردا (333،4 مىڭ ادام – وتكەن جىلمەن سالىستىرعاندا 31،1%-عا كوپ)، سونداي-اق اقتوبە جانە قىزىلوردا وبلىستارى.
انىقتاما ءۇشىن: 2021 جىلعى قاڭتار-جەلتوقساندا جولاۋشىلار تاسىمالى وتكەن جىلدىڭ اتالعان كەزەڭىمەن سالىستىرعاندا 40،1%-عا ءوسىپ، 15،9 ملن ادامدى قۇرادى.
اعىمداعى جىلدىڭ قاڭتار ايىندا بۇل سەكتورداعى جۇك تاسىمالى 37،1 ملن توننانى قۇرادى، بۇل ءبىر جىلدا 10% ارتىق دەگەن ءسوز. جۇك اينالىمى وتكەن جىلدىڭ وسى كەزەڭىمەن سالىستىرعاندا 17،3%-عا ارتىپ، 27،2 ملرد توننا-كيلومەترگە جەتتى.
انىقتاما ءۇشىن: 2021 جىلعى قاڭتار-جەلتوقساندا تەمىرجول كولىگىمەن 416،1 ملن توننا جۇك تاسىمالداندى، بۇل جىلىنا 0،7% ارتتى دەگەندى بىلدىرەدى.
تەمىرجول كولىگى كاسىپورىندارىنىڭ كىرىستەرى ءبىر جىلدا قۇندىق ماندە 15،3%-عا ءوسىپ، 2022 جىلعى قاڭتاردا 98،5 ملرد تەڭگەنى قۇرادى.
سالىستىرۋ ءۇشىن: 2021 جىلدىڭ سايكەس كەزەڭىندە سالا كاسىپورىندارىنىڭ كىرىسى 85،4 ملرد تەڭگەنى قۇراپ، 15،1% -عا ارتقان.
اعىمداعى جىلدىڭ قاڭتار ايىندا جولاۋشىلار تەمىرجول كولىگى قىزمەتتەرىنىڭ باعاسى ءبىر جىل ىشىندە 5،7%-عا ءوستى. باعانىڭ ءبىر جىلداعى 13،1%-عا ءوسۋىن ەڭ قاتتى سەزىنگەن ماڭعىستاۋ وبلىسىنىڭ تۇرعىندارى بولدى. ەڭ جوعارى ءوسىم قارقىنى بار ءۇش ايماققا قوستاناي (جىلىنا پليۋس 8،4%) جانە اتىراۋ (پليۋس 8%) وبلىستارى كىردى. جىلدىق باعا ءوسىمىنىڭ ەڭ از كورسەتكىشى شىمكەنتتە تىركەلدى، بۇل – 1%-عا تەڭ.
