دەنساۋلىق ساقتاۋ ۆيسە-مينيسترى ايجان ەسماعامبەتوۆا قانت قوسىلعان ءتاتتى سۋسىندارعا اكسيزدىك سالىق نە ءۇشىن قاجەت ەكەنىن ءتۇسىندىردى.
دەنساۋلىق ساقتاۋ مينيسترلىگى قانت قوسىلعان سۋسىندار ءۇشىن قوسىمشا اكسيز ەنگىزۋدى ۇسىنىپ وتىر، دەپ حابارلايدى اlmaty-akshamy.kz.
ونىڭ ايتۋىنشا، بۇل ەلدە سەمىزدىك جانە قانت ديابەتىمەن اۋىراتىندار سانىنىڭ ارتۋىمەن بايلانىستى. اسىرەسە، سەمىزدىككە شالدىققان بالالار كوبەيىپ بارادى.
- ارتىق سالماق بولاشاقتا سوزىلمالى اۋرۋلاردىڭ دامۋىنا اكەلەدى. قاتەلەسپەسەم، 0،5 مل كولانىڭ قۇرامىندا قانتتىڭ 10 تاۋلىكتىك دوزاسى بار. دەمەك، بالا ءتاتتى سۋسىندى ىشكەننەن كەيىن ون ەسەلىك قاجەتتىكتى الادى. سونىمەن قاتار قانت بارلىق دەرلىك ءونىمنىڭ قۇرامىندا بولاتىنىن بىلەمىز، — دەيدى ايجان ەسماعامبەتوۆا سەنات كۋلۋارىندا.
ونىڭ ايتۋىنشا، ءتاتتى سۋسىندارعا اكسيز ەنگىزۋدى دەنساۋلىق ساقتاۋ مينيسترلىگى ويلاپ تاپقان جوق. بۇل دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىمى. مۇنداي اكسيز كوپتەگەن ەلدە بار.
- قانت قوسىلعان سۋسىندارعا سالىق سالۋ – تۇتىنۋدى ازايتۋعا سەپتىگىن تيگىزەتىن شارالاردىڭ ءبىرى. ارينە، بۇل شاراعا قوسىمشا تاڭبالاۋ ەنگىزىلەدى، مىندەتتى ءاقپاراتتىق-تۇسىندىرۋ جۇمىستارى جانە ەڭ باستىسى – بالانىڭ دۇرىس تاماقتانۋ ادەتىن قالىپتاستىراتىن اتا-انالارمەن جۇمىس جۇرگىزىلەدى. تاماقتانۋ ادەتى بالالاردا بەس جاسقا دەيىن قالىپتاسادى، — دەيدى ۆيسە-مينيستر.
ايجان ەسماعامبەتوۆا بۇل باستاماعا سۋسىن وندىرەتىندەر قارسى ەكەنىن ايتتى.
- بۇل قالىپتى جاعداي. ويتكەنى اكسيز وندىرۋشىلەرگە قوسىمشا سالماق سالادى. ءبىراق ءبىز بيزنەس پەن حالىقتىڭ دەنساۋلىعى اراسىنداعى بالانستى ساقتاۋىمىز كەرەك. سەبەبى، تاعى قايتالاپ ايتامىن، بالالار اراسىندا سىرقاتتانۋشىلىق ءوسىپ بارادى. سوندىقتان دەنساۋلىق ساقتاۋ مينيسترلىگى دۇرىس تاماقتانۋ پوزيسياسىندا قالادى، — دەدى ول.