ىشكى ىستەر مينيسترلىگى اكىمشىلىك پوليسيا كوميتەتىنىڭ ءتوراعاسى قايسار سۇلتانبايەۆ كولىكتەردى زاڭداستىرۋ جۇمىستارى قالاي ءجۇرىپ جاتقانىن ايتتى، دەپ حابارلايدى اlmaty-akshamy.kz Tengrinews.kz-كە سىلتەمە جاساپ.
سۇلتانبايەۆ ءوز سوزىندە 2023 جىلدىڭ 23 قاڭتارى مەن 26 ناۋرىزى ارالىعىندا 69 مىڭنان اسا كولىك زاڭداستىرىلعانىن ايتتى.
«ونىڭ ىشىندە اۆتوكولىكتەردىڭ 67 پايىزى (46 592) رەسەي فەدەراسياسىنان، 19 پايىزى (13 424) ارمەنيادان، 10 پايىزعا جۋىعى (6 788) قىرعىزستاننان، 2 پايىزعا جۋىعى (1 296) گرۋزيادان»، - دەدى سۇلتانبايەۆ ىشكى ىستەر مينيسترلىگىندە وتكەن بريفينگتە.
ول قازىرگى ۋاقىتتا ىشكى ىستەر مينيسترلىگى قوسالقى بولشەك رەتىندە اكەلىنگەن كولىكتەردى زاڭداستىرۋدىڭ شارتتارىن ايقىندايتىن ۇكىمەت قاۋلىسىنىڭ جوباسىن ازىرلەگەنىن اتاپ ءوتتى.
«جوبا قوعامدىق تالقىلاۋدان ءوتتى، ءقازىر ونىڭ قورىتىندىسىن شىعارىپ جاتىرمىز، سودان كەيىن جوبانى تۇپكىلىكتى بەكىتۋگە مەملەكەتتىك ورگاندارعا جولداپ، كەيىن ۇكىمەتكە جىبەرەمىز»، - دەپ قوستى كوميتەت ءتوراعاسى.