ونىڭ ىشىندە Street art. BATYR BEINESI، FIFA WORLD CUP QATAR 2022، SALIÝT-1 كوللەكسيالىق مونەتالارى بار.
ۇلتتىق بانك ءبىرقاتار كوللەكسيالىق مونەتالاردى ساتىلىمعا شىعارادى، دەپ حابارلايدى Almaty-akshamy.kz
اتالعان كوللەكسيالىق مونەتالار 28 ناۋرىزدان باستاپ ۇلتتىق بانك ينتەرنەت-دۇكەنى ارقىلى ساتىلىمعا شىعارىلادى.
"قازاقستاندى مونەتالار ارقىلى زەرتتە!" سەرياسىنان Street art. BATYR BEINESI كوللەكسيالىق مونەتاسى. سىناماسى 925/1000 كۇمىس مونەتاسى ءتۇرلى ءتۇستى باسپا تەحنولوگياسى قولدانا وتىرىپ دايىندالعان. ماسساسى 31،1 گرامم، مولشەرى 30ح45 مم، دايىنداۋ ساپاسى – proof، نومينالى 500 تەڭگەلىك، تارالىمى 5 000 دانا"، - دەلىنگەن حابارلامادا.
"سپورت" مونەتالار سەرياسىمەن شىققان FIFA WORLD CUP QATAR 2022 كوللەكسيالىق مونەتالارىندا التىن جالاتۋ تەحنولوگياسى قولدانىلعان.
"925/1000 سىناماسى بار كۇمىس مونەتالاردىڭ ماسساسى 20 گرامم، ديامەترى 37 مم، دايىنداۋ ساپاسى – proof، نومينالى 100 تەڭگەلىك، قازاقستاننىڭ ىشكى نارىعىنا ارنالعان سانى – 3 650 دانا"، - دەپ حابارلادى ۇب.
ال، "عارىش" مونەتالار سەرياسىمەن شىققان SALIÝT-1 كوللەكسيالىق مونەتالارى نەيزيلبەر قوسپاسىنان (من 15-20) تۇرادى. ماسساسى 11،17 گرامم، ديامەترى 31 مم، دايىنداۋ ساپاسى – uncirculated، نومينالى 100 تەڭگەلىك، تارالىمى – 100 000 دانا.
