الماتىدا اسكەري پروكۋرورلار قۇنى 6 ملرد تەڭگەدەن اساتىن بۇرىنعى اسكەري گوسپيتالدىڭ جەر ۋچاسكەسىن مەملەكەتكە قايتاردى، دەپ حابارلايدى اlmaty-akshamy.kz باس اسكەري پروكۋراتۋرانىڭ باسپا ءسوز قىزمەتىنە سىلتەمە جاساپ.
اسكەري پروكۋرورلار مۇلىكتى مەملەكەت پايداسىنا قايتارۋ جونىندە شارالار قابىلداۋدا.
2014 جىلى الماتى قالاسىنىڭ مەدەۋ اۋدانىنداعى نارىقتىق قۇنى 6 ملرد تەڭگەدەن استام، جالپى اۋدانى 3،8484 گا جەر ۋچاسكەسى «دوستىق ستروي» قۇرىلىس كومپانياسى» ءجشس-نىڭ مەنشىگىنە وتكەن.
الايدا، بۇل ۋچاسكە 7 جىلدان استام ۋاقىت بويى ماقساتىنا ساي پايدالانىلماعانىن ەسكەرە وتىرىپ، اسكەري پروكۋراتۋرا ورگاندارى ونى ماجبۇرلەپ الىپ قويۋ تۋرالى تالاپ ارىزبەن جۇگىنگەن.
24.11.2022 جىلى الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ شەشىمىمەن اسكەري پروكۋراتۋرانىڭ تالاپ-ارىزى قاناعاتتاندىرىلىپ، زاڭدى كۇشىنە ەنگەن.
قازىرگى ۋاقىتتا سوت اكتىسىن ورىنداۋ بويىنشا جۇمىستار جۇرگىزىلۋدە.