الماتى قالاسى الەۋمەتتىك ءال-اۋقات باسقارماسىنىڭ كوشى-قون جۇيەلەرى ءبولىمى «حالىقتىڭ كوشى-قونى تۋرالى» زاڭىن باسشىلىققا الادى.
ەتنيكالىق قازاقتار اقپاراتتى الماتى قالاسى الەۋمەتتىك ءال-اۋقات باسقارماسىنىڭ كوشى-قون جۇيەلەرى بولىمىنەن الا الادى، دەپ حابارلايدى Almaty-akshamy.kz
كوشى-قون جۇيەلەرى ءبولىمى ءوز قۇزىرەتى شەگىندە حالىقتىڭ كوشى-قون سالاسىنداعى مەملەكەتتىك ساياساتتى ىسكە اسىرادى، سونىڭ ىشىندە ەتنيكالىق قازاقتارعا «قانداس مارتەبەسىن بەرۋ نەمەسە ۇزارتۋ» مەملەكەتتىك قىزمەتىن كورسەتىپ، قانداس كۋالىگىن بەرەدى؛ قانداس مارتەبەسىن ءبىر رەت 6 ايعا ۇزارتۋ تۋرالى شەشىم قابىلدايدى؛ قازاقستان رەسپۋبليكاسىنىڭ شەت ەلدەردەگى مەكەمەلەرىنەن ۇمىتكەرلەردىڭ قانداس مارتەبەسىن بەرۋگە جانە قازاقستان رەسپۋبليكاسىندا تۇراقتى تۇرۋعا رۇقسات الۋعا وتىنىشتەرى مەن قۇجاتتارىن قابىلدايدى؛ قازاقستان رەسپۋبليكاسى ازاماتتارىنىڭ شەتەلدەردە تۇراتىن ەتنيكالىق قازاقتاردىڭ اراسىنان تۋىستارىن قازاقستان رەسپۋبليكاسىنا وتباسىن بىرىكتىرۋ ماقساتىندا قونىستاندىرۋ ءۇشىن شاقىرتۋلارىن كۋالاندىرادى؛ ەتنيكالىق قازاقتارعا جانە جوعارى وقۋ ورنىندارىندا وقيتىن ەتنيكالىق ستۋدەنتتەرگە قازاقستان رەسپۋبليكاسىنىڭ كوشى-قون زاڭدىلىقتارىن ءتۇسىندىرۋ ءۇشىن قوعامدىق بىرلەستىكتەرمەن جانە مۇددەلى مەملەكەتتىك ورگاندارمەن قانداستاردىڭ سۇراقتارى بويىنشا «دوڭگەلەك ۇستەلدەر»، كەزدەسۋلەر ۇيىمداستىرۋ جۇمىستارىن جۇرگىزەدى؛ جەرگىلىكتى مەملەكەتتىك باسقارۋ مۇددەسىندە قازاقستان رەسپۋبليكاسىنىڭ زاڭناماسىمەن جەرگىلىكتى اتقارۋشى ورگاندارعا جۇكتەلەتىن وزگە دە وكىلەتتىكتەردى جۇزەگە اسىرادى.
قانداس مارتەبەسiن العان ادامدار مەن ولاردىڭ وتباسى مۇشەلەرىنە ۇسىنىلاتىن مەملەكەتتىك قولداۋ شارالارى، ولار:
1. ەتنيكالىق قازاقتار جانە ولاردىڭ وتباسى مۇشەلەرى قازاقستان رەسپۋبليكاسىندا تۇراقتى تۇرۋعا رۇقسات الۋ كەزىندە ءوزىنىڭ تولەم قابىلەتتىلىگىن راستاۋدان بوساتىلادى.
2. قانداس مارتەبەسiن العان ادامدار مەن ولاردىڭ وتباسى مۇشەلەرi:
1) قانداستاردى بەيiمدەۋ جانە ىقپالداستىرۋ ورتالىقتارىندا تەگiن بەيiمدەۋ جانە ىقپالداستىرۋ قىزمەتتەرiن كورسەتۋمەن؛
2) قازاقستان رەسپۋبليكاسىنىڭ دەنساۋلىق ساقتاۋ سالاسىنداعى زاڭناماسىنا سايكەس مەديسينالىق كومەكپەن؛
3) قازاقستان رەسپۋبليكاسىنىڭ ازاماتتارىمەن تەڭ جاعدايدا مەكتەپتەردە جانە مەكتەپكە دەيiنگi ۇيىمداردا ورىندارمەن، قازاقستان رەسپۋبليكاسىنىڭ ۇكiمەتi ايقىندايتىن كولەمدە تەحنيكالىق جانە كاسiپتiك، ورتا بىلىمنەن كەيiنگi جانە جوعارى بiلiم بەرەتiن وقۋ ۇيىمدارىنا وقۋعا تۇسۋگە ءبولiنگەن كۆوتاعا سايكەس بiلiم الۋ مۇمكiندiگiمەن؛
4) قازاقستان رەسپۋبليكاسىنىڭ ازاماتتارىمەن تەڭ جاعدايدا الەۋمەتتiك قورعالۋمەن؛
5) قازاقستان رەسپۋبليكاسىنىڭ زاڭناماسىنا سايكەس جۇمىسپەن قامتۋعا جاردەمدەسۋمەن قامتاماسىز ەتiلەدi.
ەتنيكالىق قازاقتار قول جەتىمدى تۇردە مەملەكەتتىك قىزمەتتەردى كورسەتۋ زاڭىنا سايكەس تولىق جانە سەنىمدى اقپاراتتى الماتى قالاسى الەۋمەتتىك ءال-اۋقات باسقارماسىنىڭ كوشى-قون جۇيەلەرى بولىمىنەن الا الادى.
باسقارمانىڭ مەكەن-جايى: الماتى قالاسى، دوستىق داڭعىلى، 85 ءۇي، 3-قابات، 310-كەڭسە، انىقتاما تەلەفونى: 8 (727) 338-30-46.