دارىگەرلەردىڭ ايتۋىنشا، ءقازىر جانساقتاۋ بولىمىندەگى پاسيەنتتەردىڭ ءبىر دە ءبىرى ۆاكسينا الماعان.
الماتىعا قىزىلوردا قالاسىنان كەلگەن ايەل سOVID-19 جۇقتىرىپ، اۋىر حالدە اۋرۋحاناعا تۇسكەن. ىندەتتەن جازىلىپ شىققاننان كەيىن ول كۆي-عا دەگەن كوزقاراسىن وزگەرتىپ، ادامداردى ەكپە الۋعا شاقىردى، دەپ حابارلايدى، Almaty-akshamy.kz.
ورتالىق قالالىق كلينيكالىق اۋرۋحانا پاسيەنتىنىڭ تاريحى ءجاميلا جانايەۆانىڭ ءوزى قىزىلوردا قالاسىنىڭ تۇرعىنى بولىپ، الماتىعا وتباسىمەن دەمالۋعا كەلۋىنەن باستالادى.
«الماتىعا كەلگەنىمدە ءوزىمدى ناشار سەزىندىم، دەنەمنىڭ قىزۋى كوتەرىلىپ، السىزدىك پايدا بولدى. مەن بۇل سۋىق تيگەن دەپ ويلادىم، ۇيدە ءبىر اپتا بويى يمپروۆيزاسيالانعان قۇرالدارمەن ەمدەلدىم. جاعداي ناشارلاي باستاعان كەزدە پتر تەستىن تاپسىردىم، ول وڭ بولىپ شىقتى. دەرەۋ "جەدەل جاردەم" شاقىردىم، ول مەنى ورتالىق قالالىق كلينيكالىق اۋرۋحاناعا الىپ كەلدى. مەن ءدال وسى اۋرۋحاناعا، جوعارى بىلىكتى مامانداردىڭ قولىنا تۇسكەنىمە وتە قۋانىشتىمىن. ءۇشىنشى كۇنى مەنىڭ جاعدايىم ناشارلاي ءتۇستى. ناتيجەسىندە مەنى رەانيماسياعا اۋىستىرىپ، وندا ءتورت كۇن بولدىم. بۇل كۇندەرى جاعدايىمنىڭ وتە ناشار بولعانى ەسىمدە. دارىگەرلەر مەنەن ءبىر قادام ۇزاماي، ۇداي باقىلاۋدا ۇستادى»، – دەيدى ءجاميلا جانايەۆا.
ول ءوزى ءمۇعالىم بولا تۇرا، كوروناۆيرۋستىق ينفەكسيا بار دەگەنگە سەنبەگەن. بۇل تۋرالى الەۋمەتتىك جەلىلەردەن كوپ وقىعان، ءبىراق ءبارىبىر سەنبەگەن. ونىڭ كۇيەۋى دە نانباعان. سول سەبەپتى ول ۆاكسيناعا ۇزىلدى-كەسىلدى قارسى بولعان، ايەلىنە دە ەكپە الۋعا رۇقسات بەرمەگەن.
«ءقازىر بۇل اۋرۋدىڭ قيىن ساتىنەن ءوتتىم. ارينە، حالىقتى وسى ينفەكسيانى جۇقتىرعان ساتتەن باستاپ ەمدەلۋگە شاقىرامىن. بەتپەردە كيىڭىز، ادامدار كوپ جينالاتىن جەرلەرگە بارماڭىز جانە مىندەتتى تۇردە ۆاكسينا الىڭىز. وسىلايشا ءسىز ءوزىڭىزدى اۋىر زارداپتاردان قورعايسىز. ايتپاقشى، كۇيەۋىم دە اۋىرىپ قالدى، ال 17 جاستاعى قىزىمنىڭ اۋرۋى سيمپتومسىز تۇردە ءوتتى. وسى اۋرۋحانانىڭ بارلىق قىزمەتكەرلەرىنە العىس ايتقىم كەلەدى. ولار ءاردايىم ءار ناۋقاسقا مۇقيات قارايدى. دارىگەرلەرگە شىدامدى، ءتوزىمدى بولۋدى تىلەگىم كەلەدى، ويتكەنى ولار وسىنداي قيىن جاعدايدا جۇمىس ىستەيدى جانە كۇن سايىن باستارىن قاۋىپ-قاتەرگە تىگىپ ءجۇر»، – دەدى ءجاميلا.
وققا دارىگەرى وسمان قادىروۆتىڭ ايتۋىنشا، بۇگىنگى تاڭدا اۋرۋحاناداعى 670 كەرەۋەتتىڭ 620-عا جۋىعى ەمدەلۋشىلەرگە تولعان. جانساقتاۋ بولىمىندە 57 ادام اۋىر حالدە جاتىر. ولاردىڭ ەشقايسىسى دا ۆاكسينا الماعان. جالپى، اۋرۋحانادا جاتقان پاسيەنتتەردىڭ 98%-ى ۆاكسينالانباعان. دارىگەر تاعى ءبىر رەت ۆاكسينالاۋ كەرەك ەكەنىن ايتادى، سوندا عانا ءبىز بۇل اۋرۋدى جەڭە الامىز.
«ءيا، ۆاكسيناسيا جاسالعاندار دا تۇسەدى بىزگە، ءبىراق ولاردىڭ اۋرۋى نەعۇرلىم جەڭىل تۇردە وتەدى. ءقازىر جانساقتاۋ بولىمىندەگى پاسيەنتتەردىڭ ءبىر دە بىرەۋى ۆاكسينا الماعان»، - دەدى ول ءسوز سوڭىندا.