بۇيرىق جوباسى 2024 جىلعى 19 جەلتوقسانعا دەيىن تالقىلانادى.
ەڭبەك جانە حالىقتى الەۋمەتتىك قورعاۋ مينيسترلىگى 2025 جىلعا ارنالعان وڭىرلىك كۆوتا مولشەرىن بەلگىلەدى، دەپ حابارلايدى aqshamnews.kz
اشىق نقا پورتالىندا مينيستر سۆەتلانا جاقىپوۆانىڭ «قانداستار مەن قونىس اۋدارۋشىلاردى قابىلداۋدىڭ 2025 جىلعا ارنالعان وڭىرلىك كۆوتاسىن بەلگىلەۋ تۋرالى» بۇيرىعىنىڭ جوباسى تانىستىرىلدى.
“قانداستار مەن قونىس اۋدارۋشىلاردى قابىلداۋدىڭ وڭىرلىك كۆوتاسى الداعى جىلعا 9 653 ادامدى قۇرايدى” دەلىنگەن قۇجاتتا.
ونىڭ ىشىندە:
- 2 309 – قانداستاردى قابىلداۋدىڭ 2025 جىلعا ارنالعان وڭىرلىك كۆوتاسىنىڭ سانى؛
- 7 344 – قونىس اۋدارۋشىلاردى قابىلداۋدىڭ 2025 جىلعا ارنالعان وڭىرلىك كۆوتاسىنىڭ سانى.
2024 جىلعا قانداستار ءۇشىن بەرىلگەن كۆوتا سانى 2433، قونىس اۋدارۋشىلارعا بەرىلگەنى 7050 بولعان. مينيسترلىك ۇيعارىمىمەن كەيىنىرەك قانداستارعا بەرىلەتىن كۆوتا قونىس اۋدارۋشىلاردىڭ كۆوتاسى ەسەبىنەن 600-عا ارتقان.