7 مىڭنان استام قانداستار مەن قونىس اۋدارۋشىلار وڭىرلىك كۆوتاعا ەنگىزىلگەن.
2021 جىلى ەتنيكالىق قانداستاردى قولداۋدى دامىتۋ ءۇشىن كوشۋگە بەرىلەتىن سۋبسيديا مولشەرى ەكى ەسەگە - 35 اەك-تەن (107،2 مىڭ تەڭگە) 70 اەك-كە (214،4 مىڭ تەڭگە) دەيىن ۇلعايتىلدى، دەپ حابارلايدى Almaty-akshamy.kz ق ر ەڭبەك جانە الەۋمەتتىك قورعاۋ مينيسترلىگىنە سىلتەمە جاساپ.
بۇل تۋرالى مينيسترلىكتىڭ كەڭەيتىلگەن القا وتىرىسى بارىسىندا ايتقان ۆەدومستۆو باسشىسى سەرىك شاپكەنوۆ 2021 جىلى 7 مىڭنان استام قانداستار مەن قونىس اۋدارۋشىلار (2،6 مىڭ وتباسى) وڭىرلىك كۆوتاعا ەنگىزىلگەنىن جانە قونىس اۋدارۋ بويىنشا مەملەكەتتىك قولداۋ شارالارىمەن قامتاماسىز ەتىلگەنىن حابارلادى.
مينيستر قازىرگى ۋاقىتتا ەڭبەك جانە حالىقتى قورعاۋ مينيسترلىگى ەڭبەك يمميگرانتتارى مەن بوسقىندار ماسەلەلەرى بويىنشا فۋنكسيالاردى قابىلداۋ بويىنشا جۇمىستى جالعاستىرىپ جاتقانىن دا اتاپ ءوتتى.
«مينيسترلىك كوشى-قون ساياساتىنىڭ كەلەسى بەسجىلدىققا دامۋىن ايقىندايتىن جاڭا تۇجىرىمداماسىنىڭ جوباسىن ازىرلەدى. شەتەلدە جۇمىس ىستەيتىن قازاقستاندىق ازاماتتاردىڭ قۇقىقتارىن قورعاۋ ءۇشىن ەڭبەك ميگرانتتارىنىڭ ەڭبەك جانە الەۋمەتتىك قۇقىقتارىن قامتاماسىز ەتۋ تۋرالى ەكىجاقتى كەلىسىمدەر جاسالادى»، – دەدى ول.
ەڭبەك ءمينيسترى كوشى-قون ساياساتى بويىنشا ءوڭىرارالىق ەڭبەك ۇتقىرلىعى شەڭبەرىندە وڭتۇستىكتەن سولتۇستىككە 6،3 مىڭنان ادامنىڭ قونىس اۋدارۋى، شەتەلدىك جۇمىس كۇشىن تارتۋ كەزىندە 3 جانە 4-ساناتتار بويىنشا قىزمەتكەرلەر سانىن ازايتۋ، قازاقستاندىق جانە شەتەلدىك جۇمىسكەرلەر اراسىندا ەڭبەكاقى تولەۋدەگى سايكەسسىزدىكتەرگە جول بەرمەۋ جونىندە الدىن الۋ شارالارىن قابىلداۋ 2022 جىلداعى باستى مىندەتىمىز دەيدى.