جاڭا ادەپ كودەكسى قىزمەتتىك ادەپ ستاندارتتارىن بەلگىلەيدى جانە مەملەكەتتىك قىزمەتشىلەردىڭ مورالدىق-ادامگەرشىلىك قاسيەتتەرىن قالىپتاستىرۋعا نەگىز بولادى.
مەملەكەتتىك قىزمەتشىلەردىڭ تارتىپتىك جاۋاپكەرشىلىگى جانە قىزمەتتىك ادەپ ماسەلەلەرى جونىندەگى زاڭنامانى جەتىلدىرۋ ماقساتىندا پرەزيدەنتتىڭ 2022 جىلعى 22 اقپانداعى جارلىعىمەن مەملەكەتتىك قىزمەتشىلەردىڭ ادەپ كودەكسىنىڭ جاڭا رەداكسياسى بەكىتىلدى، دەپ حابارلايدى Almaty-akshamy.kz
سونداي-اق، مەملەكەتتىك قىزمەتتىڭ ادەپتىك قاعيداتتارى ايقىندالدى، ولار – ادالدىق، ادىلدىك، اشىقتىق، سىپايىلىق جانە كليەنتكە باعدارلانۋ.
كودەكستىڭ جاڭا رەداكسياسىندا «كليەنتكە باعدارلانعان» مەملەكەتتىك اپپاراتتى قالىپتاستىرۋ جانە مەملەكەتتىك قىزمەتتەردى كورسەتۋدە اشىقتىق قاعيداتتارىن ساقتاۋ بويىنشا باسىم تالاپتار قاراستىرىلعان.
سونداي-اق، مەملەكەتتىك قىزمەتشىلەرگە تارتىپتىك جازا قولدانۋ قاعيدالارى مەن ادەپ جونىندەگى كەڭەستەر تۋرالى ەرەجەگە وزگەرىستەر ەنگىزىلدى.
تارتىپتىك جازا قولدانۋ قاعيدالارىندا قىزمەتتىك تەرگەپ-تەكسەرۋ، تارتىپتىك كوميسسيا ماتەريالدارىن قاراۋ ءتارتىبى جانە تارتىپتىك كوميسسيانىڭ ۇسىنىمى بويىنشا ۋاكىلەتتى ادامنىڭ شەشىم قابىلداۋ مەرزىمدەرى ناقتىلاندى.
سونىمەن بىرگە، اگەنتتىكتىڭ ادەپ جونىندەگى كوميسسياسىنا وبلىس، رەسپۋبليكالىق ماڭىزى بار قالالار جانە استانا اكىمدەرى ورىنباسارلارىنىڭ، وبلىستىق ماڭىزى بار قالالاردىڭ، وبلىس اۋداندارى مەن قالا اۋداندارى اكىمدەرىنىڭ، وبلىستاردىڭ اكىمشىلىك ورتالىقتارى بولىپ تابىلاتىن قالا اكىمدەرىنىڭ، كوميتەتتەر ءتوراعالارىنىڭ، سونداي-اق وبلىس اكىمى اپپارات باسشىلارىنىڭ قىزمەتتىك ادەپ نورمالارىن بۇزعانى جانە مەملەكەتتىك قىزمەتكە كىر كەلتىرەتىن تەرىس قىلىقتار جاساعانى ءۇشىن تارتىپتىك جاۋاپكەرشىلىگىن قاراۋعا وكىلەتتىك بەرىلگەن.
جارلىق ماتىنىمەن اگەنتتىكتىڭ ينتەرنەت-رەسۋرسىندا تانىسۋعا بولادى.