101 قىلمىستىق ءىس سوتقا جولداندى.
باس پروكۋراتۋرا ماماندارى قاڭتار ايىندا ورىن العان وقيعالارعا بايلانىستى جۇرگىزىلدەن جۇمىستارى تۋرالى باياندادى، دەپ حابارلادى Almaty-akshamy.kz.
مامانداردىڭ ايتۋىنشا، جەدەل تەرگەۋ توپتارىنىڭ وندىرىسىندە سوتقا دەيىنگى 3 666 تەرگەۋ ىستەرى بار. تەرروريزم اكتىلەرى مەن جاپپاي تارتىپسىزدىكتەر تۋرالى ىستەردەن باسقا، توناۋ، ۇرلىق، قارۋدى ۇرلاۋ، قۇقىق قورعاۋ ورگاندارىنىڭ قىزمەتكەرلەرىنە قاتىستى كۇش قولدانۋ فاكتىلەرى تەرگەلۋدە.
«اتالعان ساناتتان 162 ايىپتالۋشىعا قاتىستى 101 قىلمىستىق ءىس سوتقا جولداندى. 62 ادامعا ءتۇرلى جازالار كەسىلدى. الماتى قالاسى المالى اۋداندىق سوتىنىڭ ۇكىمىمەن ب.ونتاي جانە ءو.جەڭىسحان «الپامىس» اڭشىلىق دۇكەنىنەن قارۋ ۇرلاعانى ءۇشىن كىنالى دەپ تانىلدى. سوت اتالعان ادامدارعا 5 جىل مەرزىمگە باس بوستاندىعىنان ايىرۋ جازاسىن تاعايىندادى»، – دەدى ق ر بپ 1 قىزمەت باستىعىنىڭ ورىنباسارى ەلدوس قيلىمجانوۆ ورتالىق كوممۋنيكاسيالار قىزمەتى الاڭىندا وتكەن بريفينگ بارىسىندا.