قانداي پويىزداردا ايەلدەرگە ارنالعان ۆاگوندار بار؟

ايەلدەر ۆاگوندارىنداعى بيلەت باعاسىندا ايىرماشىلىق جوق.

7 جاسقا دەيىنگى ەر بالالار دا ايەلدەر ۆاگوندارىنا وتىرا الادى، دەپ حابارلايدى aqshamnews.kz

"جولاۋشىلار تاسىمالى" كومپانياسىنىڭ باسپا ءسوز قىزمەتىنىڭ مالىمەتىنشە، بۇگىنگى كۇنى بۇل قىزمەت 11 جولاۋشىلار پويىزىندا كورسەتىلەدى:

№354/353 استانا – سەمەي؛

№24/23 اقتوبە – الماتى؛

№25/26 الماتى – شىمكەنت؛

№77/78 الماتى – ماڭعىستاۋ؛

№351/352 الماتى – وسكەمەن؛

№45/46 پاۆلودار – تۇركىستان؛

№37/38 ماڭعىستاۋ – سەمەي؛

№47/48 اتىراۋ – استانا؛

№33/34 اقتوبە – الماتى-1؛

№4/3 استانا – الماتى-2؛

№71/72 استانا – شىمكەنت.

"بيلەتتى ۆوكزالدان كاسسالارعا جەكە جۇگىنۋ ارقىلى ساتىپ الۋعا بولادى. بۇل رەتتە بيلەت كاسسالارىنىڭ قىزمەتكەرىنە ايەلدەر ۆاگونىندا ورىندى تاڭداۋ قاجەتتىگى تۋرالى حابارلاۋ قاجەت. سونداي-اق، جولاۋشىلار ايەلدەر ۆاگوندارىنان ورىندى ونلاين ساتىپ الۋ كەزىندە دە تاڭداي الادى. مىسالى، bilet.railways.kz سايتىنان تەمىرجول بيلەتتەرىن ساتىپ الۋ كەزىندە "WC" (ايەل) اببريەۆياتۋراسىنا نازار اۋدارۋ كەرەك، بۇل بيلەت تەك ايەلدەر ۆاگونىنا ساتىلاتىندىعىن كورسەتەدى"، – دەپ اتاپ ءوتتى باسپا ءسوز قىزمەتى.