پروفيلدەگى فوتوسۋرەتتى سكرينشوتتاۋعا شەكتەۋ قويىلعان.
قوسىمشانى پايدالانعان ازاماتتار ونى جاڭارتقان كەزدە جاڭا قورعانىس شاراسى پايدا بولعانىن بايقاعان، دەپ حابارلايدى aqshamnews.kz
WhatsApp مەسسەندجەرى قولدانۋشىلاردىڭ قۇپيالىلىعى مەن قاۋىپسىزدىگىن جاقسارتۋ ءۇشىن جاڭا مۇمكىندىكتى ىسكە قوستى.
ياعني، كەز كەلگەن ادامنىڭ پروفيلدەگى فوتوسۋرەتىن سكرينشوتتاۋعا شەكتەۋ قويىلعان. سكرين الىپ ۇلگەرۋگە تىرىسساڭىز دا، WhatsApp بۇل مۇمكىندىكتى اۆتوماتتى تۇردە بۇعاتتايدى. ەكراندا بەلگىلەنگەن شەكتەۋلەرگە بايلانىستى ارەكەتتى ورىنداۋ مۇمكىن ەمەس ەكەنى حابارلانادى.
ەكراندى ۆيدەوعا جازىپ الۋعا دا تىيىم سالىنعان.
جاڭا فۋنكسيا پايدالانۋشىلاردىڭ جەكە دەرەكتەرىن قورعاۋدى كۇشەيتۋگە باعىتتالعان. ازىرلەۋشىلەر پروفيلدىك فوتوسۋرەتتەردى ءۇشىنشى تاراپتاردىڭ جۇكتەپ الۋىنا جانە تاراتۋىنا جول بەرمەۋگە تىرىسادى.