قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى قانات تۋمىش ءۇندىستان رەسپۋبليكاسىنىڭ ەلشىسى شۋبدارشيني تريپاتيمەن ونىڭ قازاقستانداعى ديپلوماتيالىق ميسسياسىنىڭ اياقتالۋىنا بايلانىستى كەزدەستى.
ەكىجاقتى قارىم-قاتىناستاردىڭ وزەكتى ماسەلەلەرىن تالقىلاي وتىرىپ، سۇحباتتاستار ءقازاق-ۇندى ستراتەگيالىق ارىپتەستىگىنىڭ قارىشتى دامۋىنا قاناعاتتانۋشىلىقتارىن ءبىلدىردى، دەپ حابارلايدى Almaty-akshamy.kz.
سونىمەن قاتار كەزدەسۋ بارىسىندا 2023 جىلدىڭ 4 ايىنىڭ قورىتىندىسى بويىنشا قازاقستان مەن ءۇندىستان اراسىنداعى ءوزارا تاۋار اينالىمىنىڭ 379،5 ملن اقش دوللارىنا دەيىن (+3،9%) ءوسۋى اتاپ ءوتىلدى.
كەزدەسۋ سوڭىندا ق.تۇمىش ەلشىگە اتقارعان جۇمىسى ءۇشىن العىس ءبىلدىرىپ، ق ر سىرتقى ىستەر ءمينيسترىنىڭ اتىنان قازاقستان مەن ءۇندىستان اراسىنداعى ساياسي، ەكونوميكالىق جانە مادەني ىنتىماقتاستىقتى نىعايتۋعا قوسقان ۇلەسى ءۇشىن العىس حات تابىس ەتتى.