سۋرەتشى جانەل جۇبانوۆانىڭ «المالى قالا» اتتى جەكە كورمەسى اشىلدى.
قىلقالام شەبەرىنىڭ ءوزى الماتىدا تۋىپ وسكەن. سوندىقتان جۇمىسىنىڭ كوبىن تۋعان قالاسىنا ارناعان، دەپ حابارلايدى Almaty-akshamy.kz.
24.kz حابارلاعانداي، بۇعان دەيىن «ءاردايىم جانىمدا بولاتىن مەرەكە!»، «ماحاببات پەن مەيىرىمدىلىك شەڭبەرى»، «وي تازالىعى» دەگەن تاقىرىپتا بىرنەشە كورمە وتكىزگەن.
ءوزىنىڭ ايتۋىنشا، ونەر - قۋانىش پەن ۇيلەسىمدىلىكتەن تۇرادى. وسى كورمەدە «المالى قالا» دەپ اتالعان ەكى بىردەي ەكسپوزيسيا ۇسىندى. وعان 30-دان استام كارتينا قويىلدى. ۆەرنيساجدىڭ تاعى ءبىر ەرەكشەلىگى - سۋرەتتەر كەستەمەن بەزەندىرىلدى.
«بۇل جەردە ءبارى ارالاس. ەركىن تاقىرىپتاعى شىعارمالار دا، اكادەميالىق ناتيۋرمورت تا بار. مەن كوبىنە قازاقتىڭ ويۋ-ورنەگىن قوسامىن. بۇل ەلەمەنتتەردىڭ بارلىعى مەنىڭ اجەمنىڭ كەستەلەرى. سونى ناتيۋرمورتقا قوسىمشا قولدانىپ ءجۇرمىن. پەيزاج جانرىنداعى جۇمىستار دا بارشىلىق. ونى كوكتەمدە الما مەن ورىك اعاشتارى گۇلدەگەن شاقتا نەمەسە كۇزدە اينالا الۋان تۇسكە بويالعان كەزدە سالام. سوندا كارتينا شىنايى شىعادى»، - دەيدى سۋرەتشى جانەل جۇبانوۆا.