قانات تايمەردەنوۆ ومىردەن وتكەن ارىپتەستەرىنىڭ وتباسىن قۇتتىقتاپ باردى

قالالىق پوليسيا دەپارتامەنتىنىڭ باستىعى قايتىس بولعان ارىپتەستەرىنىڭ وتباسىنا بارىپ، قازاقستان پوليسياسى كۇنىمەن قۇتتىقتاپ قايتتى.

الماتى پوليسياسىنىڭ باسشىسى قايتىس بولعان ارىپتەستەرىنىڭ وتباسىلارىنا باردى، – دەپ حابارلايدى Almaty-akshamy.kz Polisia.kz-كە سىلتەمە جاساپ.

«ارىپتەستەرىممەن بىرگە 2011 جىلدىڭ قاڭتارىندا قىلمىسكەرلەردىڭ قولىنان قازا تاپقان ريشاد ابىشيەۆتىڭ، سونداي-اق 2006 جىلدىڭ كۇزىندە قىلمىستىڭ جولىن كەسۋ كەزىندە پىشاق جاراقاتىن العان ەدىل قاسىموۆتىڭ جۇبايلارى مەن بالالارىن مەرەكەمەن قۇتتىقتادىق. وكىنىشكە وراي، تاۋەلسىزدىك جىلدارىندا 32 الماتىلىق پوليسەي قىزمەتتىك مىندەتتەرىن ورىنداۋ بارىسىندا، قىلمىسقا قارسى كۇرەستە قايتىس بولدى. ءبىزدىڭ قاسيەتتى بورىشىمىز – ولاردى ەستە ساقتاۋ جانە قۇرمەتتەۋ، ەرلىكتەرىن مۇرا رەتىندە ۇرپاقتان-ۇرپاققا جەتكىزۋ جانە وتباسىلارىن بارلىق جاعىنان قولداۋ»، – دەدى الماتى قالالىق پوليسيا دەپارتامەنتىنىڭ باستىعى قانات تايمەردەنوۆ.

باس پوليسەي سونداي-اق، لەيتەنانت ابىشيەۆتىڭ ايەلى ايجاننىڭ كۇيەۋى قايتىس بولعاننان كەيىن ونىڭ جۇمىسىن جالعاستىرۋعا بەل بۋىپ، قازاقستاندىق پوليسيا قاتارىنا قوسىلعانىن ەسكە سالدى. بۇگىندە ەكى قىزدىڭ اناسى الاتاۋ اۋدانىنىڭ پوليسيا باسقارماسىندا جەمىستى قىزمەت ەتۋدە. ول – پوليسيا مايورى.