ۇكىمەت باسەكەلەستىكتى دامىتۋدىڭ جاڭا تاسىلدەرىن قاراستىردى
ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا باسەكەلەستىكتى دامىتۋدىڭ جاڭا تاسىلدەرى قارالدى. باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى سەرىك جۇمانعارين 4 كودەكس پەن 6 زاڭعا وزگەرىستەر مەن تولىقتىرۋلار ەنگىزىلىپ جاتقان باسەكەلەستىكتى دامىتۋ ماسەلەلەرى جونىندەگى زاڭ جوباسىن تانىستىردى. زاڭ جوباسى ەكونوميكانىڭ نەگىزگى سالالارىندا باسەكەلەستىك ورتانى كەڭەيتۋگە، سونداي-اق بايلانىس، تەمىرجولمەن جۇك جانە جولاۋشىلار تاسىمالى نارىقتارىنىڭ، اۋەجايلار قىزمەتتەرىنىڭ، اوك، كومىر، فارماسيەۆتيكا، قۇرىلىس جانە باسقا دا تاۋار نارىقتارىنىڭ جۇمىس ىستەۋىنە باعىتتالعان باسەكەلەستىكتى دامىتۋداعى جاڭا تاسىلدەردى قاراستىرادى. زاڭ جوباسى باسەكەلەستىكتى دامىتۋعا كەدەرگى كەلتىرەتىن اكىمشىلىك جانە ەكونوميكالىق كەدەرگىلەردى جويۋعا باعىتتالعان. زاڭ جوباسىندا ۇسىنىلعان شارالاردى ىسكە اسىرۋ تاياۋ كەلەشەكتە مەملەكەتتىڭ ەل ەكونوميكاسىنداعى قاتىسۋ ۇلەسىن 14%-عا دەيىن تومەندەتۋگە مۇمكىندىك بەرەدى.
«مەملەكەت باسشىسى قاسىم-جومارت توقايەۆ ادال باسەكە ەلىمىزدىڭ جاڭا ەكونوميكالىق باعدارىنىڭ نەگىزگى بولاتىن باستى قاعيداتتاردىڭ ءبىرى ەكەنىن اتاپ ءوتتى. سوندىقتان باسەكەلەستىكتىڭ ۇزاق مەرزىمدى جاڭا ساياساتىن جاساۋدىڭ ماڭىزى زور. بۇل باسەكەلەستىك پەن “جۇمساق قۇقىق” قۇرالدارىن كەڭىنەن قولدانۋعا نەعۇرلىم جەتىلدىرىلگەن جاعدايلار جاساۋدى تالاپ ەتەدى، مۇنىڭ ءوزى زاڭنامانى بۇزۋ قاۋىپتەرىن تومەندەتۋگە جول اشادى»، — دەدى اسقار مامين.
پرەمەر-مينيستر باسەكەلەستىكتى دامىتۋ بيرجالىق ساۋدا قۇرالدارىن تاراتۋ جانە نەگىزگى ينفراقۇرىلىمدىق قۋاتتارعا قول جەتكىزۋ شارتتارىن كەڭەيتۋ ارقىلى جۇزەگە اسىرىلۋى ءتيىس ەكەنىن اتاپ ءوتتى. ۇكىمەت باسشىسى مەملەكەتتىك جانە جەكە وپەراتورلاردىڭ ءتۇرلى سالالارداعى قىزمەتىن رەتتەۋ نورمالارىن قايتا قاراۋ قاجەتتىگىن اتاپ ءوتتى. باسەكەلەستىكتى قورعاۋ جانە دامىتۋ اگەنتتىگىنە باسەكەلەستىكتى دامىتۋ ماسەلەلەرى جونىندەگى زاڭ جوباسىن پارلامەنتكە ەنگىزۋدى قامتاماسىز ەتۋ تاپسىرىلدى.