ول ۇلىبريتانيالىق دجيممي كەلليمەن جۇدىرىقتاساتىن بولدى.
ورتا سالماقتا ونەر كورسەتەتىن وتانداسىمىز قانات يسلامنىڭ كاسىبي رينگتەگى كەلەسى جەكپە-جەگىنىڭ قاشان وتەتىنى بەلگىلى بولدى، دەپ حابارلادى Almaty-akshamy.kz Turkystan.kz سىلتەمە جاساپ.
ول WBO Global بەلبەۋى ءۇشىن ۇلىبريتانيالىق دجيممي كەلليمەن (25-2، 10 كو) جۇدىرىقتاساتىن بولدى. وسىلايشا، 25 اقپاندا فلوريدا شتاتىنداعى پلانت-سيتيدە وتەتىن بوكس كەشى اياسىندا رينگكە ورالماق. بۇل جەكپە-جەك 10 راۋندقا جوسپارلانعان.
باستاپقىدا بوكس 21 قاڭتاردا وتەدى دەپ جوسپارلانعان. الايدا كوروناۆيرۋس پاندەمياسىنا بايلانىستى 25 اقپانعا شەگەرىلىپ وتىر.
ەسكە سالا كەتسەك، بۇعان دەيىن بۇكىلالەمدىك بوكس ۇيىمى چەمپيوندىق اتاقتى قورعاماعانى ءۇشىن قانات يسلامنان WBO International بەلبەۋىن قايتارىپ العان بولاتىن.