يسلام ءوزارا بىر-بىرىنە كومەكتەسۋگە جانە وزگەلەردى قۇتقارۋعا شاقىرادى.
قان دونورلىعى ارقىلى ناۋقاس ادامدى قۇتقارۋعا سەپتىگى تيەدى. سوندىقتان زامانىمىزدىڭ كوپشىلىك عالىمدارى قان تاپسىرۋعا رۇقسات بەرگەن، دەپ مالىمدەيدى قمدب شاريعات جانە ءپاتۋا ءبولىمى.
ويتكەنى ونى ىستەگەن ادام بۇكىل ادامزاتتى ولىمنەن قۇتقارعانداي بولادى دەيدى.
اللا تاعالا قۇراندا بىلاي دەيدى:
وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا
«كىم بىرەۋدى ولىمنەن قۇتقارىپ قالسا، بۇكىل ادامزاتتى ولىمنەن قۇتقارعانداي بولادى».
الايدا مىناداي شارتتار تابىلۋى ءتيىس:
اسا زارۋلىكتىڭ بولۋى؛ ياعني ونىڭ ورنىن باساتىن تازا بالاماسى جوق ءارى سەنىمدى، بىلىكتى مەديسينا ماماندارىنىڭ شەشىمىمەن ناۋقاس ادامنىڭ ءومىرىن ساقتاپ قالۋدىڭ جالعىز جولى ءھام ەمى بولۋى ءتيىس.
دونوردىڭ دەنساۋلىعىنا ەشقانداي زيان جەتپەۋى؛
دونوردىڭ ءوز ەركىمەن، رازىلىعىمەن بەرۋى؛
قاندى قۇيۋ پروسەسى ءبىلىمدى، بىلىكتى دارىگەرلەردىڭ باقىلاۋىمەن جۇزەگە اسۋى شارت.