ينفاركت پەن ينسۋلت اۋرۋلارىنىڭ ءقاۋپىن ازايتۋ ءۇشىن قان قىسىمىن تومەندەتەتىن دارىلەردى ۇيىقتار الدىندا قابىلداۋ پايدالىراق. بۇل تۋرالى ەۋروپالىق كارديولوگيا قوعامىنىڭ 2024 جىلعى كونگرەسىندە ايتىلدى، - دەپ حابارلايدى Aqshamnews.kz ءتىلشىسى doctorpiter.ru-گە سىلتەمە جاساپ.
عالىمدار 47 مىڭعا جۋىق گيپەرتونيامەن اۋىراتىن ناۋقاستى قامتىعان بەس ءتۇرلى زەرتتەۋدىڭ ناتيجەلەرىن قورىتىندىلادى. سونداي-اق ءبىر كۇن بۇرىن لوندوندا ءوز جۇمىسىن اياقتاعان ەۋروپالىق كارديولوگيا قوعامى جۇرەك-قان تامىرلارى اۋرۋلارىنا قاتىستى الەمدەگى ەڭ ءىرى كونگرەستە ناتيجەلەرىمەن ءبولىستى. ولاردىڭ زەرتتەۋ ناتيجەلەرىنە سايكەس، جۇرەك تالماسىنان، ينسۋلتتان، جۇرەك السىزدىگىنەن قورعانۋ ءۇشىن قان قىسىمىن تۇسىرەتىن ءدارىنى كەشكە قابىلداۋدىڭ تاڭەرتەڭ قابىلداعاننان ەش ارتىقشىلىعى جوق.
"ناۋقاستار قان قىسىمىن تومەندەتەتىن دارىلەردى كۇنىنە ءبىر رەت كەز كەلگەن ىڭعايلى ۋاقىتتا ىشە بەرسە بولادى"، - دەدى كولۋمبيا ۋنيۆەرسيتەتىنىڭ پروفەسسورى جانە جاڭا زەرتتەۋدىڭ اۆتورى ريكي تۋردجەوننىڭ سوزىنە سىلتەمە جاساپ.
ينفاركت پەن ءينسۋلتتىڭ ءقاۋپى قاي ۋاقىتتا؟
ال سۆەتلانا مارتىنوۆانىڭ ايتۋىنشا، ينفاركت پەن ءينسۋلتتىڭ ءقاۋپى تاڭەرتەڭ باسىم بولادى. كوپ جاعدايدا ينفاركت تاڭعى 6-دان 9-عا دەيىن، ينسۋلت تاڭعى 4-تەن 6-عا دەيىن بولادى. سوندىقتان قان تامىرلارى اۋرۋىنىڭ قاۋىپتىلىگىن ازايتۋ ءۇشىن گيپەرتونياسى بار ناۋقاستارعا ادەتتە كەشكە، ۇيىقتاعانعا دەيىن قان قىسىمىن تومەندەتەتىن دارى-دارمەكتەردى قابىلداۋ ۇسىنىلادى. ونىڭ سەبەبىن جۇرەك-قان تامىرلارى اۋرۋلارىنىڭ ناتيجەلەرىن كۇندىزگى قان قىسىمىنا قاراعاندا، تۇنگى قان قىسىمىنان جاقسى بولجاۋعا بولاتىنىندا دەپ ءتۇسىندىردى ساراپشىلار.
ۋاقىت ەمەس، جۇيەلىلىك ماڭىزدى
پروفەسسور تۋردجوننىڭ سوزىنشە، تۇندە زەرتتەلگەن پرەپاراتتاردىڭ ناتيجەسى ءارتۇرلى بولىپ شىققان.
زەرتتەۋشىلەر ناقتىراق ءبىلۋ ءۇشىن بەس توپتىڭ زەرتتەۋ دەرەكتەرىن تالداپ، تۇندەگى جانە تاڭەرتەڭگى گيپەرتەنزياعا قارسى پرەپاراتتاردى قابىلداۋدى سالىستىرىپ شىققان.
زەرتتەۋ ناتيجەلەرىنە سايكەس، عالىمدار ءدارىنى قابىلداۋ ۋاقىتى ناتيجەگە اسەر ەتپەيدى دەگەن قورىتىندىعا كەلدى. سونىمەن قاتار دارىلەردى قابىلداۋدىڭ ۋاقىتى قايتالاما اۋرۋلارعا، سونىڭ ىشىندە سىنىقتارعا دا، گلاۋكوماعا جانە ويلاۋ مەن ەستە ساقتاۋمەن بايلانىستى بۇزىلىستارعا دا ەش اسەرى جوق ەكەنى ايتىلدى.
ياعني ەڭ باستىسى – ۋاقىت ەمەس، قابىلداۋدىڭ جۇيەلىلىگى ماڭىزدى ەكەنى بەلگىلى بولدى.
"بۇل ناتيجەلەردەن ناۋقاستار وزدەرىنىڭ قان قىسىمى دارىلەرىن باستىسى – ەستەرىنە تۇسكەن كەزدە ىشسە بولعانى ەكەنىن ۇعۋعا بولادى. بەلگىلى ءبىر ۋاقىت ماڭىزدى ەمەس، تاڭەرتەڭ نەمەسە كەشكە ءىشۋ كەرەك دەگەن قاعيدا جوق. ەڭ باستىسى، ولار دارى-دارمەكتى كۇن سايىن قابىلداپ وتىرسا بولعانى"، - دەپ ءتۇسىندىردى بريتان جۇرەك قورىنىڭ باس عىلىمي جانە مەديسينالىق قىزمەتكەرى، پروفەسسور برايان ۋيليامس.