جەرلەسىمىز جەڭىسىنەن كەيىن پىكىر ءبىلدىردى.
ۇلتتىق وليمپيادا كوميتەتىنىڭ مالىمەتىنشە، بوكستان توكيو وليمپياداسىنىڭ قولا جۇلدەگەرى قامشىبەك قوڭقابايەۆ ماراپاتتاۋ راسىمىنەن كەيىن سۇحبات بەرىپ، ءتورتجىلدىق دوداداعى اسەرلەرىمەن ءبولىستى، دەپ حابارلايدى Almaty-akshamy.kz.
«مۇنداي ناتيجەگە قول جەتكىزگەنىم ءۇشىن قۋانىشتىمىن. ءۇشىنشى ورىننىڭ ءوزى كەرەمەت جەتىستىك ەمەس پە؟ ءبىر ورىندا توقتاۋ ويىمدا جوق. ءالى تالاي جەڭىسپەن قۋانتارىما سەنىمدىمىن. ءار جەڭىستىڭ ارتىندا ماڭداي تەر، ەڭبەك جاتىر.
جانكۇيەرلەرگە كورىنبەيتىن قانشاما جاراقات بار. وڭاي ەمەس. دەسە دە، ءبىز تەك العا باسامىز. قولداۋلارىڭىزعا راحمەت»، - دەدى قامشىبەك.
ايتا كەتەيىك، قازاق بوكسشىلارى توكيو وليمپياداسىندا ەكى قولا مەدال جەڭىپ الدى.