كەمىرگىشتەر كوبەيىپ كەتتى

الماتىلىقتار ەگەۋقۇيرىقتاردىڭ كوبەيۋىنە قاتىستى شاعىمدانىپ جاتىر

الەۋمەتتىك جەلىلەردە تاراعان الماتىداعى ەگەۋقۇيرىقتاردىڭ كوبەيۋىنە قاتىستى الماتى قالاسى ەنەرگوتيىمدىلىك جانە ينفراقۇرىلىمدىق دامۋ باسقارماسى تۇسىنىكتەمە بەردى، دەپ حابارلايدى almaty-akshamy.kz

«ەگەۋقۇيرىقتار قالا اۋماعىندا كوبەيىپ بارادى. بۇل ولاردى ۋلاماۋدىڭ سالدارىنان»، - دەلىنگەن جازبادا. جەلى قولدانۋشىلارى ەگەۋقۇيرىقتاردىڭ ساياباقتار مەن بازارلاردا دا كوپتەپ كەزدەسەتىنىن ايتۋدا.

ءوز كەزەگىندە الماتى قالاسى ەنەرگوتيىمدىلىك جانە ينفراقۇرىلىمدىق دامۋ باسقارماسى اتالعان ەسكەرتۋگە بايلانىستى مامەتوۆا مەن ءۋاليحانوۆ كوشەلەرى قيىلىسىندا كەمىرگىشتەردى جويۋ جۇمىستارىن جۇرگىزۋگە ءتيىستى تاپسىرما بەرىلگەنىن حابارلادى. بۇدان بولەك، «Amanat Cleaning» ج ش س مەردىگەر ۇيىمى دەراتيزاسيالىق جۇمىستاردىڭ ءبىرىنشى كەزەڭىن اياقتاعان.

«بۇل جۇمىستاردىڭ ەكىنشى كەزەڭى بيىلدىڭ قىركۇيەك ايىنا بەلگىلەندى. ياعني وسى جىلعى 30 قاراشاعا دەيىن جالعاسادى. قوسىمشا ءموبيلدى بريگادالار تارتىلدى، ولار تۇرعىنداردىڭ شاقىرتۋى بويىنشا بارادى. وتىنىمدەردى Open Almaty پورتالى، الەۋمەتتىك جەلىدەگى (باسقارمانىڭ) پاراقشالار مەن ازاماتتاردىڭ جازباشا شاقىرتۋى بويىنشا ەنەرگوتيىمدىلىك جانە ينفراقۇرىلىمدىق دامۋ باسقارماسى قابىلدايدى»، - دەلىنگەن باسقارما جاۋابىندا.