قامشىبەك قوڭقابايەۆ ءحىح جازعى ازيادانىڭ كۇمىس جۇلدەسىنە يە بولدى، دەپ حابارلايدى اlmaty-akshamy.kz ق ر تۋريزم جانە سپورت مينيسترلىگى سپورتتى دامىتۋ ديرەكسياسىنىڭ باسپا ءسوز قىزمەتى.
اسا اۋىر سالماقتاعى ۇلتتىق قۇراما بوكسشىسى فينالدا توكيو وليمپياداسىنىڭ جەڭىمپازى، 2 دۇركىن الەم، 3 دۇركىن ازيا چەمپيونى باحودير دجالولوۆتان (وزبەكستان) جەڭىلىپ قالدى. ەسەپ: 0-4.
قازاق بىلعارى قولعاپ شەبەرى حانچجوۋداعى باسەكەنى شيرەك فينالدان باستاپ، باحرەين نامىسىن قورعايتىن دانيس لاتىپوۆتان باسىم تۇسكەن. سوسىن، نارەندەردى (ءۇندىستان) ايقىن باسىمدىقپەن جەڭىپ، ءوزى قاتىسقان العاشقى ازيادانىڭ اقتىق ايقاسىنا جولداما العان.
ايتا كەتەيىك، الەم چەمپيوناتىنىڭ 2، سارى قۇرلىق بىرىنشىلىگىنىڭ 4 دۇركىن كۇمىس جۇلدەگەرى، توكيو وليمپياداسىنىڭ قولا مەداليسى قامشىبەكتىڭ قورجىنىندا پاريج وليمپياداسىنىڭ جولداماسى بار.