قاراسورا ءوسىرۋ ءۇشىن جىلىجاي سالعان قاراعاندىلىق ازاماتقا قاتىستى قىلمىستىق ءىس قوزعالدى.
قاراعاندى وبلىستىق پوليسيا دەپارتامەنتى ەسىرتكى قىلمىستارىنا قارسى ءىس-قيمىل باسقارماسىنىڭ قىزمەتكەرلەرىنە قاراعاندى قالاسىندا بەلگىلى ءبىر ازامات جىلىجاي سالىپ، ول جەردە قاراسورا ءوسىرىپ جاتقاندىعى تۋرالى اقپارات ءتۇستى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جۇرگىزىلگەن كەشەندى جەدەل-ىزدەستىرۋ ءىس-شارالارى بارىسىندا وسى اقپاراتقا قاتىستى جەر ۇيدە تۇراتىن 50 جاستاعى ازامات ۇستالدى. ۇستالعان ازامات جىلىجايدى ارنايى قاراسورا ءوسىرۋ ءۇشىن سالعاندىعى تۋرالى مويىنداۋ كورسەتپە بەلگىلەرىن بەردى.
ءتارتىپ ساقشىلارى جىلىجايدان 421 ءتۇپ قاراسورا، 500 گرامم كەپتىرىلگەن ماريحۋانا، سۋارۋ شلانگىسى، ماريحۋانا پايدالانۋ قۇرالىن تاركىلەدى. اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 300-بابىنا (قۇرامىندا ەسiرتكi زاتتار بار، ءوسiرۋگە تىيىم سالىنعان ءوسiمدiكتەردi زاڭسىز ەگىپ-وسىرۋ) سايكەس قىلمىستىق ءىس قوزعالدى. تەرگەۋ ارەكەتتەرى جۇرگىزىلىپ جاتىر.