قمدب استانا قالاسى وكىلدىگىنىڭ باستاماسىمەن «AQ MESHIT» مەشىتىندە «QAMQOR-SHARAPAT» سالتتىق قىزمەت كورسەتۋ ورتالىعىنىڭ جاۋاپتى ماماندارىنا سەمينار ءوتتى.
سەميناردا قمدب استانا قالاسىنىڭ باس يمامى ەربولات نۇرىلدا ۇلى جانە «QAMQOR-SHARAPAT» ورتالىعىنىڭ استانا قالاسى بويىنشا مەڭگەرۋشىسى داۋرەن ءمۇسليموۆ ءسوز سويلەدى، دەپ حابارلايدى اlmaty-akshamy.kz.
«قۇراندا: «ىسىراپ ەتپەڭدەر، كۇدىكسىز اللا ىسىراپ ەتۋشىلەردى جاقسى كورمەيدى» («ءانعام» سۇرەسى، 141-ايات) دەلىنەدى. ورتالىقتىڭ ماقساتى – حالىققا ىسىراپ ەتپەي، جورالعىلاردى تىرىلەرگە ماقتانۋ ءۇشىن ەمەس، قايتقان كىسىگە ساۋابى ءتيسىن دەپ اتقارۋدى ناسيحاتتاۋ. ويتكەنى ءدىنىمىز ورىنسىز ىسىراپ پەن داڭعازانى قولدامايدى»، - دەدى استانا قالاسىنىڭ باس يمامى ەربولات ءجۇسىپوۆ.
شارا بارىسىندا وتكەن جىلعى اتقارىلعان ءىس-شارالار مەن 2024 جىلعا جوسپار جايى تالقىلاندى.
ايتا كەتەيىك، «QAMQOR-SHARAPAT» – كوپشىلىكتىڭ سۇرانىسىمەن جەرلەۋ راسىمدەرىندە ىسىراپشىلدىق پەن باسەكەلەستىككە جول بەرمەۋ جانە جالپىعا ورتاق مادەنيەت قالىپتاستىرۋ ماقساتىندا قولعا الىنعان جوبا. قمدب بەكىتكەن ۇلگىگە ساي 2021 جىلى استانا قالاسىندا «AQ MESHIT» مەشىتىندە ورتالىعى اشىلعان بولاتىن. قور اياسىندا «اس بەرۋ مادەنيەتى»، «زيرات جانە زيارات» قۇجاتتارى دايىندالدى. سونداي-اق قالا مەشىتتەرىندە «جانازا جانە جەرلەۋ راسىمدەرى» تاقىرىبىندا كوپتەگەن سەمينارلار ۇيىمداستىرىلدى.
