ىشكى ىستەر مينيسترلىگى بالالاردىڭ قۇقىقتارىن قورعاۋ جونىندەگى ۋاكىل جانە دەپۋتاتتارمەن بىرلەسىپ، زاڭناماعا بىرنەشە تۇزەتۋ ازىرلەدى.
بۇل تۋرالى اكىمشىلىك پوليسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى مالىمدەدى، دەپ حابارلايدى Almaty-akshamy.kz.
اقمارال سەرىكبايەۆانىڭ ايتۋىنشا، ەندى ايەلىنە نەمەسە بالا-شاعاسىنا قول كوتەرىپ، دەنساۋلىعىنا جەڭىل زيان كەلتىرگەندەر اكىمشىلىك ەمەس، قىلمىستىق جاۋاپكەرشىلىككە تارتىلادى. ءارى سوتقا وتباسىنىڭ شىرقىن بۇزاتىن ازاماتتاردى تۇرعىن ۇيدەن ۋاقىتشا شىعارىپ، الەۋمەتتىك بەيىمدەلۋ ورتالىقتارىنا جىبەرۋ قۇقىعى بەرىلىپ وتىر. بۇدان بولەك، تۇرمىستىق جانجالداردى ارنايى پوليسەيلەر تەرگەمەك.
«سونىمەن قاتار ءىىم وتباسىلىق زورلىق-زومبىلىققا قارسى كۇرەس جونىندەگى مامانداندىرىلعان دەربەس بولىمشە بولىمشە قۇرىلاتىن بولادى. ول بولىمشەلەر تەك وسى تۇرمىستىق زورلىق زومبىلىق كۇرەسپەن عانا اينالىسادى»، - دەيدى ق ر ءىىم اكىمشىلىك پوليسيا كوميتەتىنىڭ اعا ينسپەكتورى اقمارال سەرىكبايەۆا.