«مايقايىڭالتىن» اق اۋماعىندا ىزدەستىرۋ-قۇتقارۋ جۇمىستارى تاۋلىك بويى جۇرگىزىلۋدە

اۋىر تەحنيكانىڭ كومەگىمەن وتكەلدى تەرەڭدەتۋ جۇمىستارى جالعاسۋدا.

ق ر تجم مالىمەتىنشە، بارلىعى 37 مىڭنان استام تەكشە مەتر توپىراق پەن تاۋ جىنىستارى شىعارىلدى، دەپ حابارلايدى Almaty-akshamy.kz.

جۇمىستا گەوسكانەر قولدانىلۋدا. ونىڭ كومەگىمەن 7 قاڭتاردا 5 مەتر تەرەڭدىكتە توپىراق استىنان اۆتوبۋستىڭ ىقتيمال ورنالاسۋ ورنى انىقتالدى.

8 قاڭتاردا توپىراقتى قايتا سكانەرلەۋ جۇرگىزىلدى. ونىڭ ناتيجەلەرى بويىنشا ىزدەۋ-قۇتقارۋ جۇمىستارىنىڭ بارىسىنا تۇزەتۋ ەنگىزىلەتىن بولادى.

وقيعا ورنىنا تجم، كااقق روش، جەرگىلىكتى اتقارۋشى ورگاندار، «مايقايىڭالتىن» اق، پوليسيا جانە جەدەل جاردەم بولىمشەلەرىنەن بارلىعى 139 ادام جانە 47 بىرلىك تەحنيكا جۇمىلدىرىلدى.

جازاتايىم وقيعانىڭ سەبەپتەرىن تەرگەۋ ماقساتىندا ق ر تجم ونەركاسىپتىك قاۋىپسىزدىك كوميتەتى ءتوراعاسىنىڭ ورىنباسارى مۇسا تانابايەۆتىڭ توراعالىعىمەن كوميسسيا جۇمىس جۇرگىزۋدە.

كوميسسيا قۇرامىنا پاۆلودار وبلىسى اكىمىنىڭ ءبىرىنشى ورىنباسارى سەرىك باتىرعۇجينوۆ، «مايقايىڭالتىن» اق باس ديرەكتورى قۋانىش بوتين، ونەركاسىپتىك قاۋىپسىزدىك كوميتەتى دەپارتامەنتىنىڭ، ەڭبەك باسقارماسىنىڭ، كااقق روش، كاسىپوداق ۇيىمىنىڭ باسشىلارى مەن ماماندارى كىردى.

وبەكتيۆتى تەرگەۋدى ۇيىمداستىرۋ جانە جازاتايىم وقيعانىڭ سەبەپتەرىن انىقتاۋ ءۇشىن ءتورت ساراپتاما ۇيىمىنىڭ وكىلدەرى تارتىلدى.