قازاقستان رەسپۋبليكاسىنىڭ قىلمىستىق كودەكسىنە 125-1-باپ – “نەكە قيۋعا ماجبۇرلەۋ” ەنگىزىلدى.
بۇل نورما بويىنشا قالىڭدىقتى ەركىنەن تىس الىپ قاشۋ — زاڭ الدىندا قىلمىستىق جاۋاپكەرشىلىككە اكەلەتىن ءىس.
1ء-بولىم:
قىزدى كەلىسىمىنسىز نەكەگە ماجبۇرلەگەنى ءۇشىن
2000 اەك-كە دەيىن ايىپپۇل (شامامەن 7،8 ملن تەڭگە)
نەمەسە
2 جىلعا دەيىن باس بوستاندىعىنان ايىرۋ جازاسى قاراستىرىلعان.
2ء-بولىم:
ەگەر ارەكەت قورقىتۋ، كۇش قولدانۋ،
كامەلەتكە تولماعاندى تارتۋ نەمەسە تاۋەلدىلىكتى پايدالانۋ ارقىلى جاسالسا –
3 جىلدان 7 جىلعا دەيىن باس بوستاندىعىنان ايىرۋ كوزدەلگەن.
3ء-بولىم:
ەگەر قىلمىس سالدارىنان دەنساۋلىققا اۋىر زيان كەلسە نەمەسە ءولىم جاعدايى بولسا –
5 جىلدان 10 جىلعا دەيىن تۇرمە جازاسى قولدانىلادى.
ەندى تاراپتاردىڭ تاتۋلاسۋى قىلمىستىق جاۋاپكەرشىلىكتەن بوساتپايدى.
زاڭ بارشاعا ورتاق. «ءداستۇر» دەگەن جەلەۋمەن زورلىقتى اقتاۋعا جول جوق.
قىزدىڭ كەلىسىمىنسىز قيىلعان نەكە – بۇل قۇقىق بۇزۋ،
ال الىپ قاشۋ – قىلمىس.