بازاردىڭ تاريحي كەلبەتى مەن ونىڭ مادەني قۇندىلىعى ساقتالادى
الماتى اكىمى ەربولات دوسايەۆ مەدەۋ اۋدانىن ارالاۋ بارىسىندا قازىرگى ۋاقىتتا قۇرىلىس-مونتاج جۇمىستارى جۇرگىزىلىپ جاتقان قالانىڭ كورنەكتى جانە كونە ورىندارىنىڭ ءبىرى «كوك بازارعا» باردى، دەپ حابارلايدى almaty-akshamy.kz
پاۆيلونداردى جاڭعىرتۋ 2023 جىلدىڭ شىلدەسىندە باستالدى، ونى 2025 جىلدىڭ سوڭىنا دەيىن اياقتاۋ جوسپارلانعان. قۇرىلىس-مونتاجداۋ جۇمىستارىن جۇرگىزۋگە قازقسعزي زەرتتەۋ قورىتىندىسى الىندى. قايتا قۇرۋ كەزىندە بازار شتاتتىق رەجيمدە جۇمىس ىستەپ تۇرادى.
مەگاپوليستىڭ ورتالىق بازار قۇرىلىمدارىنىڭ قاتتى توزۋىنا بايلانىستى جاڭعىرتۋ تۋرالى شەشىم قابىلداندى. قالا باسشىسىنىڭ تاپسىرماسىمەن جۇمىس قورىتىندىسى بويىنشا ساتىپ الۋشىلار مەن كاسىپكەرلەر ءۇشىن قولايلى جاعداي مەن ساۋدانىڭ زاماناۋي فورماتىنا كوشۋ مۇمكىندىگى جاسالادى.
كاسىپكەرلىك جانە ينۆەستيسيالار باسقارماسىنىڭ باسشىسى بەرىك سولتانبايەۆ الماتى اكىمىنە جوبانى جۇزەگە اسىرۋدىڭ كەزەڭدەرى مەن پەرسپەكتيۆاسى تۋرالى باياندادى. وسىلايشا، ينجەنەرلىك جەلىلەردى قايتا قۇرۋ قاراستىرىلعان، ءقازىردىڭ وزىندە ول 40%-عا اياقتالىپ، ساۋدا الاڭدارى جاڭعىرتىلىپ، كىرەبەرىستى كۇشەيتىلىپ، جاڭارتىلدى. سونىمەن قاتار، جىبەك جولى كوشەسى جاعىنان ىرگەلەس اۋماقتى اباتتاندىرۋ جۇرگىزىلەدى، جاڭا قوعامدىق كەڭىستىك – قالا تۇرعىندارى ءۇشىن جاياۋ جۇرگىنشىلەر ايماعى پايدا بولادى.
ەربولات دوسايەۆ «كوك بازاردى» جاڭعىرتۋدى جۇرگىزۋ مەملەكەت باسشىسىنىڭ بيىل قازاقستان حالقىنا جولداۋىنا، انىعى، ورتا جانە شاعىن كاسىپكەرلىكتى قولداۋ بويىنشا ايتقان مىندەتىنە ساي كەلەتىنىن اتاپ ءوتتى.
«كوك بازار – قالاداعى ەرەكشە ورىن. مۇندا تۇرعىندار مەن قالا قوناقتارى ساۋدا جاساۋعا كەلىپ قانا قويماي، ونىڭ ەرەكشە اتموسفەراسىن سەزىنەدى. ونىڭ بۇزباي ساقتاپ، توبەسى جابىلعان بازار جاساعان ءجون. باستىسى رەتكە كەلتىرۋ، ءبىراق «كوك بازاردىڭ» قالانىڭ مادەني مەنشىگى جانە تۋريستىك ورنى بولىپ قالا بەرۋى ماڭىزدى. سەبەبى الماتى «كوك بازارسىز» – الماتى ەمەس، سوندىقتان قالامىزدىڭ تاريحي ورتالىعىن ساقتاۋدى سۇرايمىن»، - دەدى ەربولات دوسايەۆ.
بۇعان دەيىن، 2017 جىلى قالا بازارلارىن جاڭعىرتۋ اياسىندا «كوك بازاردا» قۇرىلىس جۇمىستارى جۇرگىزىلدى: اشىق كونتەينەرلىك قاتارلاردىڭ ورنىنا اۋدانى 20 مىڭ شارشى مەتر بولاتىن جاڭا «قىسقى پاۆيلون» سالىندى، ونىڭ جارتىسى ساۋدا الاڭىنا، ەكىنشى بولىگى 400 ورىندىق ەكى دەڭگەيلى اۆتوپاركينگكە ءبولىندى. جوباعا شامامەن 2،5 ملرد تەڭگە قارجى جۇمسالدى.