الماتىداعى ەڭ ءىرى قويمانىڭ بازاسىندا اۆتوكولىككە تەحنيكالىق قىزمەت كورسەتۋ سالاسىنداعى ماماندار دايارلاۋ ءۇشىن وقۋ ورتالىعى اشىلادى، دەپ حابارلايدى almaty-akshamy.kz
الماتى اكىمى ەربولات دوسايەۆ جۇمىس ساپارى بارىسىندا جانە تۇركسىب اۋدانىنىڭ تۇرعىندارىمەن كەزدەسۋ كەزىندە د. قونايەۆ اتىنداعى وندىرىستىك كووپەراتيۆ اۋماعىنداعى الاڭى 30 گا «ا» كلاسىنداعى زاماناۋي قويما قۇرىلىسىنىڭ بارىسىمەن تانىستى. جاڭا نىسان ءىرى جۇكتەردى ۋاقىتشا ساقتاۋعا ارنالعان جانە 20 مىڭ شارشى مەتر قويماسى بار كەشەن بولىپ تابىلادى. ءقازىر سالىنىپ جاتقان ۋاقىتشا ساقتاۋ قويماسى – مەگاپوليستەگى ەڭ ءىرى ينۆەستيسيالىق جوبا. ونىڭ ەرەكشەلىگى، ەۋرو ستاندارتقا ساي بارىنشا جاراقتاندىرىلۋىندا: ۋاقىتشا ساقتاۋ قويماسىندا اۆتوماتتى ءورت ءسوندىرۋ جۇيەسىن ەنگىزىلەدى، اۆتونومدى جىلىتۋ جانە كونديسيونەر، سونىمەن قاتار، ەلەكتر قۋاتىنىڭ بالامالى كوزى رەتىندە كۇن باتارەيالارىمەن قامتاماسىز ەتىلەدى. نىساننىڭ بارلىق اۋماعىندا زاماناۋي جارىقتاندىرۋ اسپاپتارى ورناتىلىپ، جەڭىل جانە جۇك كولىگىنە ارنالعان الاڭدار كوزدەلگەن.
تۇركسىب اۋدانىنىڭ اكىمى باقىتجان اقجاروۆ قالا باسشىسىنا 2022 جىلدىڭ ناۋرىز ايىندا باستالعان قويمانىڭ قۇرىلىسى اياقتالعانىن باياندادى. جۇمىس 98%-عا ءبىتىپ، شاتىر مونتاجدالىپ، عيمارات سەيسميكالىق كۇشەيتىلدى، ىشكى ارلەۋ، ينجەنەرلىك جەلىلەردى جۇرگىزىلىپ، اسفالت توسەۋ ارقىلى اۋماق اباتتاندىرىلدى. نىساندى بيىل جەلتوقسان ايىندا تولىق كولەمدە اياقتالادى. جوبانىڭ ءبىرىنشى كەزەڭىنە 7 ملرد تەڭگە ينۆەستيسيا سالىنعان.
قازىرگى ۋاقىتتا الماتىدا «ا» كلاستى قويمالار 99،2% جۇكتەلگەن. جاڭا ۋاقىتشا ساقتاۋ قويماسىنىڭ جۇكتەمەنى قايتا بولۋگە جانە لوگيستيكالىق قارىم-قاتىناستاردى قايتا قۇرۋعا مۇمكىندىك بەرەدى. بۇگىندە قويما ينۆەستورلارى «Komatsu» قۇرىلىس تەحنيكاسىنىڭ الەمدىك ءوندىرۋشىسى، سپورت تاۋارلارىنىڭ ءىرى ساتۋشىسى «سپورتماستەر» مەن «تويوتا موتورس» جانە ۋاقىتشا ساقتاۋ قويماسىنىڭ بازاسىندا ورنالاسقان وقۋ ورتالىعى سىندى بەلگىلى برەندتەرمەن كەلىسىمگە وتىردى. وسىلايشا، قويما اۋماعىندا قازاقستاننىڭ بارلىق وڭىرىندەگى سەرۆيس ورتالىقتاردىڭ شەبەرلەرى وقىتىلادى. بۇل ماماندارعا ەشقايدا بارماي-اق بىلىكتىلىگىن ارتتىرۋعا مۇمكىندىك بەرەدى. بۇرىن مۇنداي مۇمكىندىك تەك سانكت-پەتەربۋرگتە بولاتىن.
2024 جىلى ۋاقىتشا ساقتاۋ قويماسىنىڭ جوباسىن كەڭەيتۋ جوسپارلانعان – اۋدانى 25 مىڭ شارشى مەتر ەكىنشى قويما سالىنادى. ينۆەستيسيا كولەمى دە 7 ملرد تەڭگە.
ەربولات دوسايەۆ اۋدان اكىمىنە نىساندار قۇرىلىسىنىڭ بارىسى مەن ساپاسىن، سونىمەن قاتار، بارلىق قاجەتتى ستاندارت پەن ءورت قاۋىپسىزدىگى تالاپتارىنا سايكەستىگىن باقىلاۋدى تاپسىردى. قالا باسشىسى بۇل وندىرىستىك قويما قالانىڭ قويمالىق جىلجىمايتىن مۇلىكتى دامىتۋ نارىعىنداعى بىرەگەي الاڭعا اينالاتىنىن اتاپ ءوتتى. وقۋ ورتالىعى ءوز كەزەگىندە اۆتوكولىكتەرگە تەحنيكالىق قىزمەت كورسەتۋ سالاسىندا جوعارى بىلىكتى كادرلاردى تاربيەلەۋگە مۇمكىندىك بەرەدى. جوبانى جۇزەگە اسىرۋ 70 جۇمىس ورنىن قامتاماسىز ەتۋگە، قالا بيۋدجەتىنە تۇسەتىن سالىق تۇسىمدەرىنىڭ كولەمىن ارتتىرۋعا جول اشادى.