بۇل تۋرالى الماتى اكىمى ەربولات دوسايەۆ ءماسليحاتتىڭ كەزەكتەن تىس XII سەسسياسىندا مالىمدەدى. قالا باسشىسى بيىل جىل باسىندا باستالعان شەبەر جوسپار بويىنشا جۇمىس جەلتوقسان ايىندا اياقتالاتىنىن اتاپ ءوتتى. قۇجات ءماسليحات دەپۋتاتتارى مەن جۇرتشىلىققا تانىستىرىلدى، دەپ حابارلايدى almaty-akshamy.kz
«ارينە، بۇل جۇردەك قوعامدىق كولىككە نەگىزدەلگەن. ماسەلەن، ەگەر 2023 جىلدىڭ باسىندا بىزدە قالادا 550 مىڭ جەكە اۆتوكولىك تىركەلگەن بولسا، قاراشا ايىنىڭ باسىندا قالادا 620 مىڭ كولىك بولدى. قالاعا كىرىپ-شىعاتىن كولىكتەردى ەسكەرسەك، 1،1 ملن-عا جەتەدى. قوعامدىق كولىكتى دامىتۋ عانا وسى ماسەلەنى شەشە الادى»، - دەدى ەربولات دوسايەۆ.
بۇعان قوسا، شەبەر جوسپاردا ديزەلدەن تولىقتاي باس تارتىپ، گازبەن جانە ەلەكترمەن جۇرەتىن اۆتوبۋستارعا كوشۋ ارقىلى قوعامدىق كولىكتى ەكولوگيالاندىرۋ ماسەلەسىن شەشۋ كوزدەلگەن. ينفراقۇرىلىمدى دامىتۋ، مارشرۋتتاردى وڭتايلاندىرۋ جانە باسقا دا زاماناۋي سىن-قاتەرلەر بويىنشا ۇسىنىستار بار.