«ادامدار كوپ جينالاتىن جەرلەردە بەينەمونيتورينگ جۇيەسى» جوباسى بويىنشا 2023 جىلى 3050 كامەرا ورناتىلدى.
بۇل تۋرالى قالا اكىمىنىڭ ورىنباسارى اسقار ءامرين 2024-2026 جىلدارعا ارنالعان مەگاپوليس بيۋدجەتىنىڭ جوباسى قارالعان الماتى ءماسليحاتىنىڭ كەزەكتەن تىس سەسسياسىندا مالىمدەدى، دەپ حابارلايدى almaty-akshamy.kz
ونىڭ ايتۋىنشا، كەڭساي ساياجايىندا جانە مەكتەپ ايالدامالارىندا قوسىمشا 223 بەينەكامەرا ورناتىلعان. سونىمەن قاتار، كەلەسى جىلى باعدارلامالىق كەشەندەر سانىن 568،5 ملن تەڭگەگە 300 بىرلىككە ۇلعايتۋ كوزدەلىپ وتىر.
بيىل «ءبىرىڭعاي بەينەمونيتورينگ جۇيەسى» جوباسى اياسىندا 515 مەملەكەتتىك نىساندا 18 399 بەينەكامەرا، سونىمەن بىرگە، جەكە نىسانداردا 81 كامەرا قوسىلعان.