وڭدەلەتىن اۋماق شەكارالارىنا «كەنەگە قارسى وڭدەۋ جۇرگىزىلۋدە» جازۋى بار ەسكەرتۋ تاقتالارى ورناتىلادى.
الماتىدا بۇگىن كەنەگە قارسى دەزينفەكسيالىق وندەۋ جۇمىستارى باستالدى، دەپ حابارلايدى Almaty-akshamy.kz الماتى ارناسىنا سىلتەمە جاساپ.
الماتى قالاسىندا 2022 جىلعى 05 ساۋىردەن جالپى اۋدانى 2424،54 گا بولاتىن ورماندى جانە قالا ساياباقتارىندا، سكۆەرلەرىندە كەنەلەرگە قارسى دەزينسەكسيالىق وڭدەۋ جۇمىستارىنىڭ 1 كەزەڭى باستالادى. وڭدەۋ جۇمىستارىمەن 8 ورماندى (كولەمى - 1904،924 گا) جانە 144 قالا ساياباقتارى، سكۆەرلەرى (كولەمى – 519،616 گا) قامتىلادى جانە اۋا رايىنا بايلانىستى (قۇرعاق، جاۋىن-شاشىنسىز كۇندەرى) كەستەگە سايكەس 2022 جىلعى 5 ساۋىردەن 5 مامىرعا دەيىن جۇرگىزىلەدى. كەنە ەنسەفاليتىنە قارسى كۇرەستىڭ ناتيجەسى ساپالى بولۋى ءۇشىن وڭدەۋ جۇمىسى ەكى كەزەڭدە جۇرگىزىلەدى (2 كەزەڭ - مامىر، ماۋسىم ايلارىندا).
دەزينسەكسيالىق ءىس-شارانى قالالىق سانيتاريالىق-ەپيدەميولوگيالىق باقىلاۋ قىزمەتىنىڭ ماماندارىنىڭ تىكەلەي باقىلاۋىمەن «الماتى قالاسىنىڭ دەزينفەكسيا ورتالىعى» فيليالى اتقارادى. جاسقتالعان دەزبريگادالار قاجەتتى قۇرالدارمەن، كولىكتەرمەن جانە جەكە باس قورعانىش زاتتارىمەن جابدىقتالعان. كەنە ەنسەفاليتىنە قارسى دەزينسەكسيالىق وڭدەۋ جۇمىستارىن جۇرگىزۋ ءۇشىن «فاۆوريت» اكاريسيدتىك پرەپاراتى قولدانىلادى. پرەپارات از ۋىتتى جانە ءقاۋىپتى ەمەس ساناتىنا جاتقىزىلادى (3-4 كلاسس). كەنەلەرمەن كۇرەسۋ ءۇشىن قولدانىلاتىن دوزالار ەڭ از جانە ادامدار مەن جانۋارلار ءۇشىن ءقاۋىپسىز بولىپ تابىلادى. وڭدەۋ جۇمىستارى تاڭەرتەڭگىلىك ساعاتتاردا جۇرگىزىلەدى. وڭدەلەتىن اۋماقتاردىڭ شەكارالارىندا «كەنەگە قارسى وڭدەۋ جۇرگىزىلۋدە» ەسكەرتۋ حابارلامالارى بار تاقتالار ورناتالادى.
قالا تۇرعىندارى تومەندە كورسەتىلگەن ساقتىق شارالارىن ساقتاۋ قاجەت:
- اكاريسيدتى پرەپاراتتىڭ ەرىتىندىسىن دەنەگە نەمەسە كيىمگە تيگىزىپ الماس ءۇشىن، كەنەگە قارسى دەزينسەكسيالىق وڭدەۋ جۇمىستارى جۇرگىزىلگەن جەرلەردەن قاشىقتاۋ ءجۇرۋ كەرەك؛
- جەردەگى شاشىراتقان پرەپارات كەپكەنگە دەيىن ءۇي جانۋارلارىن وڭدەۋ جۇمىستارى جۇرگىزىلگەن جەرلەرگە جىبەرمەۋ كەرەك؛
- وڭدەۋ جۇمىستارى جۇرىزىلگەن جەرلەردەن 40 كۇن بويى ساڭىراۋقۇلاق، ءشوپ نەمەسە جيدەكتەردى جيناۋعا جانە پايدالانۋعا بولمايدى؛
- تۇرعىندار مەن قوناقتار كەنەلەرگە قارسى وڭدەۋ جۇرگىزۋ كەزىندە جانە ودان كەيىنگى 3 كۇندە قالا ساياباقتارى مەن سكۆەرلەرگە، تابيعات اياسىنا بارماۋ كەرەك.