«حابار» ارناسىنىڭ ديرەكتورى بولىپ جاينا سلامبەك تاعايىندالدى

«حابار» ارناسىنىڭ ديرەكتورى اۋىستى

بۇعان دەيىن Qazaqstan تەلەارناسىنداعى «Apta» باعدارلاماسىنىڭ جەتەكشى-جۇرگىزۋشىسى قىزمەتىن اتقاردى، دەپ حابارلايدى Almaty-akshamy.kz 

جاينا سلامبەك قىزى 1974 جىلى 12 قاراشادا قىزىلوردا وبلىسى قارماقشى اۋدانى قۋاڭداريا اۋىلىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن اياقتاعان. 

ەڭبەك جولىن ۋنيۆەرسيتەت بىتىرگەن 1996 جىلى جازدا «حابار» اگەنتتىگىندە ءتىلشى بولىپ باستاعان. 2014 جىلدىڭ اقپانىنا دەيىن كوممەنتاتور، اتقارۋشى پروديۋسەر، تەلەجۇرگىزۋشى، اقپاراتتىق-ساراپتامالىق باعدارلامالار ديرەكسياسىنىڭ ديرەكتورى بولىپ جۇمىس ىستەدى. 

2014 جىلدىڭ اقپانىنان 2019 جىلدىڭ شىلدەسىنە دەيىن «استانا» تەلەارناسىندا «ءبىزدىڭ ۋاقىت» اقپاراتتىق-ساراپتامالىق باعدارلاماسىنىڭ اۆتورى ءارى جۇرگىزۋشىسى بولدى. 

2019 جىلدىڭ تامىزىنان «Apta» باعدارلاماسىنىڭ جەتەكشىسى جانە جۇرگىزۋشىسى. 

جاينا سلامبەك قىزى – قازاقستان جۋرناليستەر وداعى سىيلىعىنىڭ لاۋرەاتى (1999 ج)، «قۇرمەت» وردەنىنىڭ يەگەرى. وتاندىق تەلەجۋرناليستيكانىڭ دامۋىنا قوسقان ۇلەسى ءۇشىن پرەزيدەنت سىيلىعىمەن ماراپاتتالدى (2019 ج.)، سونىمەن بىرگە «تۇمار» ۇلتتىق تەليەۆيزيا سىيلىعىنىڭ يەگەرى (2020 ج.).