ۇكىمەت وتىرىسىندا قازاقستاندىقتاردىڭ تەمەكى شەگۋ مەن ىشىمدىك ءىشۋ ستاتيستيكاسى بەلگىلى بولدى
بۇل تۋرالى ەلىمىزدىڭ باس دارىگەرى اجار عينايات دۇنيەجۇزىلىك دەنساۋلىق ساقتاۋ ۇيىمىنىڭ زەرتتەۋ دەرەكتەرىنە سۇيەنە وتىرىپ باياندادى، دەپ حابارلايدى Almaty-akshamy.kz
ەلىمىزدىڭ باس دارىگەرى بۇل تۋرالى ۇكىمەت وتىرىسىندا مالىمدەدى. زەرتتەۋ ناتيجەسى بويىنشا قازاقستاندا 15 جاستان اسقان ەرەسەك ادامداردىڭ اراسىندا تەمەكى شەگۋ (GATS - 2019 جىل) – 21،5%، بۇل رەتتە ەر ادامدار اراسىندا 38%-دان استامى، ايەلدەر اراسىندا 6،4%-ى تەمەكى شەگەدى.
«سونىمەن، 15 جاستاعى وقۋشىلاردىڭ مىنەز-قۇلقىن زەرتتەۋ ناتيجەلەرى بويىنشا (نۆЅس – 2018 جىل) ۇلداردىڭ اراسىندا – 10%، قىزداردىڭ 6%-ى تەمەكى شەگەدى.
جاسوسپىرىمدەردىڭ اراسىندا ەلەكتروندىق سيگارەتتەرگە دەگەن اۋەستىك جوعارى. وسىلايشا، ۇلداردىڭ اراسىندا 15 جاسىندا قىزعىش تەمەكىنى تۇتىنۋشىلار – 14%، قىزداردىڭ اراسىندا 6%»، - دەدى اجار عينيات.
وسى زەرتتەۋلەر بويىنشا ەر ادامدار ءۇشىن الكوگولدى تۇتىنۋ دەڭگەيى جىلىنا 25 ليتر، ايەلدەر ءۇشىن شامامەن 9 ليتر ەكەن.
«وكىنىشكە قاراي، وسى كورسەتكىش بويىنشا قازاقستان الكوگولدىك ىشىمدىكتەردى تۇتىنۋ دەڭگەيى جوعارى ەلدەرگە جاتادى (ددۇ دەرەكتەرى بويىنشا قازاقستان الەمدە 10-شى ورىن الادى). كوپ جاعدايدا حالىقتىڭ جول-كولىك وقيعالارى، جاراقاتتار، زورلىق-زومبىلىقتان بولعان ءولىم، ۋلانۋ، سۋعا باتۋ جانە ت.ب. سياقتى سىرتقى سەبەپتەردەن بولاتىن ءولىم-جىتىم كورسەتكىشتەرى الكوگولدىك ىشىمدىكتەردى تۇتىنۋدىڭ سالدارى بولىپ وتىر»، - دەدى اجار عينيات.
ايتا كەتەيىك، قازاقستان ورتالىق ازيا مەن ەۋروپانىڭ دۇرىس تاماقتانبايتىن 21 ەلىنىڭ اراسىندا 9-ورىندا تۇر.