قالامىزدا ءۇي جانۋارلارىن ۇستاۋدىڭ جاڭا ەرەجەلەرى كۇشىنە ەندى

بۇرىنعى ەرەجەنىڭ كۇشى جويىلدى.

«الماتى قالاسىنىڭ ۆەتەريناريالىق قىزمەتى» شجق كمك الماتى قالاسى ءماسليحاتىنىڭ 2022 جىلعى 30 قىركۇيەكتەگى شەشىمىمەن الماتى قالاسىندا قاڭعىباس يتتەر مەن مىسىقتاردى اۋلاۋ مەن جويۋدىڭ 2014 جىلعى 10 قىركۇيەكتەگى بۇرىن قولدانىستا بولعان ەرەجەلەرى جانە 2018 جىلعى 17 ساۋىردەن باستاپ قولدانىستا بولعان الماتى قالاسىندا يتتەر مەن مىسىقتاردى ۇستاۋ جانە سەرۋەندەتۋ ەرەجەلەرىنىڭ كۇشى جويىلعانىن حابارلايدى، دەپ حابارلايدى Almaty-akshamy.kz

الماتى قالاسىندا جانۋارلاردى اۋلاۋ، ۋاقىتشا ۇستاۋ جانە جانسىزداندىرۋدىڭ جاڭا ەرەجەلەرىن (№208 شەشىم)، سونداي-اق الماتى قالاسىندا ءۇي جانۋارلارىن ۇستاۋ جانە سەرۋەندەتۋ ەرەجەلەرىن (№209 شەشىم) 2023 جىلعى 17 قاڭتارداعى VII سايلانعان الماتى قالاسىنىڭ ءماسليحاتى بەكىتكەن جانە ولار رەسمي جاريالانعان كۇننەن كەيىن كۇنتىزبەلىك ون كۇن وتكەن سوڭ، ياعني 2023 جىلعى 8 اقپاندا، كۇشىنە ەنەدى. 

جاڭا ەرەجەلەر بويىنشا اۋلاۋ جانۋارعا جاراقات پەن زاقىم كەلتىرۋدى، ازاماتتاردىڭ دەنساۋلىعىنا، ولاردىڭ مۇلكىنە، زاڭدى تۇلعالاردىڭ مۇلكىنە، قورشاعان ورتاعا زيان كەلتىرمەيتىن ىزگىلىكتى تاسىلدەرمەن جۇزەگە اسىرىلۋى ءتيىس. ادامنىڭ جانە (نەمەسە) جانۋاردىڭ ومىرىنە نەمەسە دەنساۋلىعىنا ناقتى قاتەردى جويۋ كەزىندە جانۋارلاردى بالالاردىڭ قاتىسۋىمەن اۋلاۋعا جول بەرىلمەيدى. بۇل رەتتە اۋلاۋ قىزمەتىنىڭ ماماندارى جانۋارلارعا زيان كەلتىرمەيتىن قۇرالداردى (وقشاۋلانعان جىبەكتەر، تورلار، گەلدى وقشاۋلانعان ىلمەكتەر جانە ت.ب.) پايدالانۋى ءتيىس.

ۋۇپ-دا (ۋاقىتشا ۇستاۋ پۋنكتى) ۇستالعان جانۋارلاردى ۇستاۋ ەرەجەلەرىنە ەرەكشە نازار اۋدارىلدى. سونىمەن، توردا/ۇيالاردىڭ ءارقايسىسىندا ءبىر يتتەن تۇرۋى كەرەك، توردىڭ مولشەرى جانۋاردىڭ ەركىن تۇرۋىنا، جاتۋىنا، ولاردىڭ تۇرلەرىنە جانە جەكە ەرەكشەلىكتەرىنە سايكەس كەلۋى ءتيىس.

ادامعا، جانۋارلارعا شابۋىل جاساعان نەمەسە ادامنىڭ ومىرىنە ءارى دەنساۋلىعىنا ءقاۋىپ توندىرەتىن جانۋارلار، ونىڭ ىشىندە كەمىندە ءۇش يتتەن تۇراتىن بۇرالقى جانۋارلار، سونداي-اق جازىلمايتىن دەرتكە شالدىققان جانۋارلار دارىلىك جولمەن جانسىزداندىرىلۋى (ەۆتانازياعا) قاجەت.

جاڭا وزگەرىستەر سونىمەن قاتار قاڭعىباس جانۋارلاردى بەيىمدەۋ (ورنالاستىرۋ)، سەرۋەندەتۋ تالاپتارىن ساقتاۋ، جانۋارلارعا قاتىگەزدىك جاساعانى ءۇشىن اكىمشىلىك ىقپال ەتۋ، ت.ب. شارالارىن رەتتەيدى.  

ەرەجەلەرمەن تولىعىراق كەلەسى سىلتەمەلەر ارقىلى تانىسۋعا بولادى:

- الماتى قالاسىندا جانۋارلاردى اۋلاۋ، ۋاقىتشا ۇستاۋ جانە جانسىزداندىرۋ ەرەجەسى – https://adilet.zan.kz/rus/docs/G23R000208M

- الماتى قالاسىندا ءۇي جانۋارلارىن ۇستاۋ جانە سەرۋەندەتۋ ەرەجەلەرى – https://adilet.zan.kz/rus/docs/G23R000209M